Pra heta paviedamiła 4 lipienia napres-kanfierencyi ŭ Minsku načalnik upraŭleńnia narychtovak Biełkaapsajuza Taćciana Kirpičenka.
«My bačym pa ciońniašnim stanoviščy, što nie voźmiem toj abjom, jaki sabrali letaś, i, adpaviedna, kali budzie try tysiačy ton, my ich adhruzim na ekspart», — skazała jana. Kirpičenka paviedamiła, što try pradpryjemstvy Biełkaapsajuza zajmajucca šokavaj zamarozkaj čarnic. «Tak my atrymlivajem dadatkovy košt, i cana adpaviedna inšaja, i my płanujem adhruzić na ekspart praktyčna ŭsio, što atrymajem, pakinuŭšy krychu dla patrebnaści našaha handlu i pramysłovaj pierapracoŭki», — zaznačyła pradstaŭnik Biełkaapsajuza.
Asnoŭnymi krainami ekspartu źjaŭlajucca Litva, Polšča, Hiermanija.«U minułyja hady my krychu pastaŭlali ŭ Kitaj, ale heta daloka, i adhruzka ŭsio roŭna viałasia cieraź Jeŭropu», — paviedamiła Kirpičenka.
Pryjom dzikarosłych čarnic pačaŭsia 24 červienia. Zakuplena 250 ton. «Hetaja ličba značna mienšaja za letašniuju. Pryrodnyja kataklizmy, poźniaja viasna adbilisia na jakaści i kolkaści jahad. My adstajem ad minułaha hoda, kali była zakuplenaja rekordnaja kolkaść čarnic — 5,5 tys. ton», — skazała načalnik upraŭleńnia narychtovak.
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy11
Kamientary