Prezident Litvy Dala Hrybaŭskajcie nie maje namieru ŭdzielničać u šeści «Za roŭnaść», što projdzie ŭ Vilni 27 lipienia. Kiraŭnik susiedniaj krainy skazała, što budzie čakać rašeńnia suda ab miescy praviadzieńnia šeścia, ale sama ŭ im ŭdzieł prymać nie budzie.
«Asabista ja ni ŭ jakich šeściach nie ŭdzielničaju. Da hetaha času nie ŭdzielničała i nie źbirajusia ŭdzielničać ni ŭ jakich šeściach», — skazała na
Na pytańnie, ci vystupić prezident na šeści seksmienšaściaŭ, Hrybaŭskajcie paŭtaryła: «Ja paŭtaraju: nie ŭdzielničała i nie budu ŭdzielničać ni ŭ jakich šeściach, nikoli nie vystupała ni na jakich šeściach».
Kiraŭnik Litvy adznačyła, što zabaranić šeście nichto nie moža.Miž tym sprečku ab miescy praviadzieńnia šeścia, na jaje dumku, pavinien vyrašyć sud.
«Kanstytucyja Litvy harantuje ŭsim hramadzianam roŭnyja pravy na schod.Što tyčycca miesca praviadzieńnia taho ci inšaha mierapryjemstva, hetaje pytańnie vyrašaje municypalitet abo meryja. Heta pavinny vyrašać tolki tyja, chto źviartajecca ŭ meryju i sama meryja. Druhi sud užo abaviazaŭ meryju vyrašać hetaje pytańnie. Kali budzie padadziena apielacyja, znoŭ buduć vyrašać sudy», — skazała Hrybaŭskajcie.
Kamientary