15 lipienia ranicaj u Ministerstvie kultury Litvy byŭ vyznačany pieramožca konkursu na skulpturu na Łukiškskaj płoščy ŭ Vilni. Pieramahła skulptura «Duch naroda».
Ekśpierty vybrali z 18 piać rabot, jakija najlepšym čynam adkazvali b umovam konkursu i hramadskim intaresam. Z hetych piaci rabot vyłučyli skulpturu «Duch naroda», jakuju i vyrašyli ŭstalavać. Aŭtary pomnika — Vidmantas Hilikis, Vicianis Chanzieł i Ramune Šviedajcie.
«Śviatło duchu naroda — ptuška dušy — tak možna nazvać ideju hetaha paetyčnaha vobrazu,jaki asensoŭvaje šlach histaryčnaha, nacyjanalnaha, palityčnaha i ahulnačałaviečaha pošuku. Vyražeńnie duchu, turboty dušy — ptuška, jakaja vyryvajecca z kletki», — tak tvorcy charaktaryzujuć ideju.
Pomnik budzie vykanany ź nieržaviejučaj stali, mietalizavanaha vuhlarodnaha vałakna.
Na handlovym rynku Łukiški ŭ 1864 h. byŭ paviešany Kastuś Kalinoŭski.
Sama płošča była sfarmavana ŭ pačatku XX st. U 1953 h. tut byŭ pastaŭleny pomnik Leninu, jaki ŭ 1991 h. źnieśli.
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1414
Kamientary