Biełaruś vyjšła ŭ suśvietnyja lidary pa kolkaści spamu: błakujecca 30% adrasoŭ

Amal 30% biełaruskich internet-adrasoŭ błakujucca firmami, što supraćdziejničajuć raspaŭsiudu spamu. Pryčyna — kantent, jaki raspaŭsiudžvajecca imi.

Krainy Uschodniaj Jeŭropy ŭznačalvajuć śpis krain z najbolšym adsotkam uniesienych u čornyja śpisy IP-adrasoŭ, skazana ŭ dakładzie achoŭnaj firmy Cloudmark.

Zhodna z dakładam, Biełaruś stała vielmi papularnaj siarod spamieraŭ, kali inšyja krainy pačali aktyŭna zmahacca ź niepažadanaj masavaj internet-rassyłkaj z adrasoŭ, što znachodziacca na ich terytoryi.

Samaj vialikaj krynicaj spamu pa-raniejšamu źjaŭlajucca ZŠA, śćviardžaje dakład.

Najbolšy pracent IP-adrasoŭ, błakavanych mižnarodnymi anty-spam kampanijami, zarehistravany ŭ Biełarusi (27,4%), za jakoj iduć Rumynija (22,3%) i Rasija (3%), kaža supracoŭnik Cloudmark Endru Konviej.

Ciapier, pavodle jaho słoŭ, błakujecca trafik z bolš čym troch miljonaŭ biełaruskich IP-adrasoŭ, kab spynić patok spamu praź ich.

Daśledčyk z kampanii Sophos Poł Daklin źviartaje ŭvahu na toje, što suadnosiny pamiž kolkaściu IP-adrasoŭ, jakija źjaŭlajucca pravadnikami spamu, i kolkaściu nasielnictva krainy aznačaje,

što Biełaruś biezumoŭna zajmaje pieršaje miesca ŭ śviecie pa kolkaści spamieraŭ na dušu nasielnictva.

«Heta horšyja suadnosiny», — skazaŭ Daklin, dadaŭšy, što, niahledziačy na ​​adnosna niešmatlikaje nasielnictva, Biełaruś nabližajecca da ZŠA, jakija źjaŭlajucca samaj vialikaj krynicaj spamu ŭ śviecie.

«[Pa hetym pakazčyku] Biełaruś našmat pieraŭzychodzić ŭsich astatnich na hety momant», — skazaŭ jon.

Na dumku śpiecyjalistaŭ Cloudmark, taki rost «biełaruskaha spamu» źjaŭlajecca śledstvam baraćby z krynicami spamu ŭ inšych ŭschodniejeŭrapiejskich krainach, takich jak Rasija. Jak miarkujuć ekśpierty, mnohija chostynh-pravajdery ŭ inšych krainach chutka adreahavali na raspaŭsiud niepažadanaha kantentu,

u vyniku čaho spamiery byli vymušanyja šukać miesca, dzie b mahli dziejničać biespakarana.

Rumynskija bandy spamieraŭ stali čaściej vykarystoŭvać kampjutary biełaruskich pravajderaŭ i chostynhavych kampanij, asabliva paśla taho, jak ich vycisnuli ź inšych krain.

«Jak praviła, kali kazać ab asobnych chostynhavych kampanijach, to, kali my błakujem bolš za 1% ad ahulnaha kantentu, heta značyć, što ŭ ich jość prablemy», — skazaŭ Endru Konviej.

Słaby kantrol za internet-biaśpiekaj u Biełarusi aznačaje, što častka viny za spam, hienieravany, chutčej za ŭsio, za miežami krainy, padaje i na biełaruskija sietkavyja kampanii, miarkuje Konviej.

Bolšaść spamu ciapier raspaŭsiudžvajecca z dapamohaj kampjutaraŭ, jakija kantralujucca kibierzłačyncami, i redka adbyvajecca z krainy, dzie hetyja kampjutary znachodziacca.

Uklučeńnie vialikaj kolkaści IP-adrasoŭ ŭ «čornyja śpisy» moža adbicca i na zakonnym biznesie, miarkuje śpiecyjalist pa internet-biaśpieki.

«Heta budzie stvarać prablemy dla ludziej, jakija prosta pasyłajuć elektronnyja listy za miažu»,

• 0
• 0
• 0
• 0
• 0
• 0
• 0
• 0