Ekanomika krain jeŭrazony adnaviła rost paśla spadu, jaki doŭžyŭsia paŭtara hoda. U druhim kvartale 2013 hoda rost VUP u 17 krainach z adzinaj jeŭrapiejskaj valutaj skłaŭ 0,3%, što źlohku pieravyšaje prahnozy.
Za toj ža pieryjad ekanomika Hiermanii vyrasła na 0,7%, što padšturchnuła čakańni ahulnaha rostu.
Novyja ličby za druhi kvartał pa Francyi pakazvajuć, što tam rost skłaŭ 0,5%, što taksama pieravyšaje čakańni.
Viarchoŭny pradstaŭnik ES pa ekanomicy Oli Ren papiaredziŭ, što ekanamičny rost u krainach jeŭrazony praciahniecca tolki pry ŭmovie,
što ich ŭrady buduć i dalej prytrymlivacca palityki žorstkaj ekanomii.
Adnak ahulnyja stanoŭčyja ličby chavajuć vielmi strakatuju karcinu pakazčykaŭ pa asobnych krainach jeŭrazony.
U Partuhalii, naprykład, jakaja ličycca adnym z słabych źvionaŭ siarod ekanomik jeŭrazony, rost išoŭ značna bolš chutkimi tempami i skłaŭ 1,1%.
Ź inšaha boku, Ispanija, jakaja, razam z Partuhalijaj i Italijaj źviartałasia pa finansavuju dapamohu da źniešnich kredytoram, pa-raniejšamu znachodzicca ŭ stanie recesii - VUP tam źniziŭsia ŭ druhim kvartale na 0,1%.
U Italii i Niderłandach skaračeńnie skłała 0,2%.
Jak adznačajuć mnohija ekanamisty, adnaŭleńnie ścipłych pakazčykaŭ u jeŭrazonie ŭ cełym nie vyrašaje hłybokich ekanamičnych i finansavych prablem pieryfieryjnych krain.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j10
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary