Paśla vyzvaleńnia Daškieviča na paŭhoda pakinuć pad previentyŭnym nahladam
Pra heta raspaviała žonka palitviaźnia Nasta Daškievič.
«U aŭtorak u jaho adbyŭsia sud pa ŭstanaŭleńni previentyŭnaha nahladu, jaki byŭ na jaho nakładzieny ciaham šaści miesiacaŭ.
Heta značyć, što jon pavinien być doma z 8 viečara da 6 ranku, try razy na miesiac adznačacca ŭ milicyi. Biezumoŭna, kali jość časavaje abmiežavańnie, značyć, milicyja budzie prychodzić dachaty z pravierkaj — jość jon ci niama jaho.Vyjezd za miažu — tolki z dazvołu RAUSu, dzie jon budzie prapisany. I vyjezd u inšy horad — taksama tolki z dazvołu milicyi».
Źmicier Daškievič pavinien vyjści na volu 28 žniŭnia. Nasta kaža, što da vychadu muža pačała ramont u kvatery, ale naŭrad ci paśpieje zakončyć.
- Daškieviča i jaho paplečnika Eduarda Łobava aryštavali 18 śniežnia 2010 hoda — napiaredadni prezidenckich vybaraŭ. Ich źvinavacili ŭ źbićci dvuch minčukoŭ i asudzili. Zatrymańnie i aryšt maładafrontaŭcaŭ palityki i pravaabaroncy acanili jak previentyŭnuju mieru zapałochvańnia pierad vybarami.
Kamientary