Telekanałam chočuć dazvolić vykarystoŭvać muzyku biez dazvołu pravaŭładalnikaŭ
Nieabchodnaja adna ŭmova.
Deputaty ŭ pieršym čytańni padtrymali źmieny ŭ zakon, jakija dazvolać vykarystoŭvać muzyku na telebačańni biez dazvołu pravaŭładalnikaŭ. Heta možna budzie rabić pry ŭmovie vypłaty pravaŭładalnikam uznaharody.
«Heta źviazana sa śpiecyfikaj televizijnaj vytvorčaści, kali treba vielmi časta apieratyŭna atrymać niejkuju zhodu ad pravaŭładalnikaŭ abo aŭtaraŭ muzyčnych tvoraŭ, ale daloka nie zaŭsiody heta mahčyma. Tamu prava na svabodnaje vykarystańnie dajecca, ale jašče raz padkreślu — pry ŭmovie abaviazkovaj vypłaty spraviadlivaj uznaharody», — prakamientavaŭ namieśnik staršyni Pastajannaj kamisii pa adukacyi, kultury i navucy Pałaty pradstaŭnikoŭ Viačasłaŭ Daniłovič.
Prajekt praduhledžvaje, što muzyka moža być vykarystana «pry stvareńni i (ci) raspaŭsiudzie redakcyjami televizijnych ŚMI asobnych telepieradač ź liku teleprahram, jakija ŭvachodziać u abaviazkovy ahulnadastupny pakiet teleprahram».
Ciapier čytajuć
Maŭrykij, Siejšeły, Šry-Łanka i nie tolki: pahladzieli, kudy źbiehli ad biełaruskich marazoŭ praŭładnyja artysty i viadučyja13
Kamientary