Žurnalista radyjo «Svaboda» nie puścili na pres-kanfierencyju kiraŭnictva «Biełaruśkalija»
19 žniŭnia ŭ salihorskim ofisie «Biełaruśkalija» zaplanavanaja presavaja kanferencyja kiraŭnictva pradpryjemstva, na jakuju nie dapuścili karespandenta «Svabody».
Padstavaj da razmovy z žurnalistami stała stanovišča na rynku mineralnych uhnajeńniaŭ: u vyniku razryvu adnosinaŭ rasiejskaha kancernu «Urałkalij» ź «Biełaruskaj kalijnaj kampanijaj» pačałosia imklivaje padzieńnie koštaŭ na chłorysty kalij, što adbivajecca nia tolki na ekanamičnym stanoviščy pradpryjemstva, a i ŭsiaho biudžetu Biełarusi — «Biełaruśkalij» źjaŭlajecca adnym z asnoŭnych pastaŭščykoŭ valuty ŭ dziaržaŭnuju skarbonku. Radykalnaha źnižeńnia koštaŭ (pryčym, pa ŭžo padpisanych kantraktach) patrabujuć hałoŭnyja spažyŭcy biełaruskaj pradukcyi — Kitaj i Indyja.
Adnak pradstaŭniki ŚMI ŭ Salihorsk dapuščanyja vybaračna. Jašče ŭ piatnicu na sprobu karespandenta «Svabody» akredytavacca na presavuju kanferencyju namieśnik dyrektara pa kadrach i idealahičnaj pracy «Biełkaliju» Anatol Machłaj adkazaŭ, što musić paraicca z hieneralnym dyrektaram Valeryjem Kiryjenkam — maŭlaŭ, nie było b nijakich prablemaŭ, kab heta była nie «Svaboda». Ale vykazaŭ ułasnaje mierkavańnie, što šancy jość, bo varta, kab byli pradstaŭlenyja roznyja punkty hledžańnia. I paprasiŭ zatelefanavać ranicaj u paniadziełak.
Na žal, hiendyrektar Kiryjenka nijakaj nieabchodnaści ŭ pluraliźmie mierkavańniaŭ nie bačyć. Jak pierakazaŭ jahonyja słovy spadar Machłaj, jon zajaviŭ: «Vaša radyjo nie vyklikaje davieru». Adpaviedna, i prysutnaść «Svabody» na presavaj kanferencyi niepažadanaja.
Tym nie mieniej, z dapamohaj akredytavanych kaleh my budziem sačyć za tym, što adbyvałasia za začynienymi dla nas dźviaryma «Biełaruśkaliju» ŭ Salihorsku.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary