Hrupa «Aneksim» rasijskaha biznesoŭca, eks-kandydata ŭ prezidenty Michaiła Procharava razhladaje mahčymaść kupli doli fondu Sulejmana Kierymava va «Urałkalii». Ab hetym paviedamlaje Bloomberg sa spasyłkaj na nienazvanyja krynicy.
Farmalnaj prapanovy ad «Aneksima» nie pastupała, dadaje vydańnie.
Kierymaŭ choča pradać akcyi zychodziačy z acenki ŭsioj kampanii ŭ 20 młrd dalaraŭ, što składaje 28-pracentnuju premiju da kacirovak «Urałkalija» na biržy ŭ Łondanie. Takim čynam, za 21,75% akcyj kampanii biznesmen moža atrymać 4,35 młrd dalaraŭ.
U pretendenty na akcyi «Urałkalija» zapisvali taksama «Narnikiel», «Rośniefť», byłoha kiraŭnika «Dziaržbuda» i bankira Uładzimira Kohana, uładalnika «Ruśśniefť» Michaiła Huceryjeva, biznesoŭca Arkadzia Ratenbierha, uładalnika AFK «Sistema» Jaŭhienija Jeŭtušenkava.
Pavodle infarmacyi Bloomberg, dola Kierymava, chutčej za ŭsio, dastaniecca Kohanu, jakoha padtrymlivaje Kreml.
Kierymaŭ pačaŭ atrymlivać prapanovy ab vykupie akcyj «Urałkalija» na fonie kanfliktu ź biełaruskimi ŭładami. 26 žniŭnia ŭ Minsku zatrymali hiendyrektara rasijskaj kampanii Uładzisłava Baŭmhiertniea.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1717
Kamientary