Vybary deputataŭ pałaty pradstaŭnikoŭ nacyjanalnaha schodu Biełarusi ŭ budučyni płanujecca pravodzić u adzin tur.
Heta, u pryvatnaści, praduhledžana prajektam zakona «Ab uniasieńni źmianieńniaŭ i dapaŭnieńniaŭ u niekatoryja zakony Respubliki Biełaruś pa pytańniach praviadzieńnia vybaraŭ i refierendumaŭ», jaki nie tak daŭno pastupiŭ u pałatu pradstaŭnikoŭ, paviedamiŭ žurnalistam staršynia Pastajannaj kamisii pałaty pradstaŭnikoŭ pa dziaržaŭnym budaŭnictvie, miascovym samakiravańni i rehłamiencie Alaksandr Zazula.
«Płanujecca, što paśla pryniaćcia hetaha zakanadaŭčaha akta, vybary buduć pravodzicca ŭ adzin tur. Adzinaja ŭmova — heta ŭdzieł bolš jak 50% vybarščykaŭ», — rastłumačyŭ parłamientaryj.
Alaksandr Zazula nie ŭdakładniŭ, kali zakonaprajekt moža być pryniaty. Razhledzieć dakumient u druhim čytańni płanujecca na asieńniaj siesii.
U pieršym čytańni zakonaprajekt płanujecca razhledzieć 2 kastryčnika na pieršym pasiadžeńni treciaj siesii piataha sklikańnia pałaty pradstaŭnikoŭ. Alaksandr Zazula adznačyŭ, što dakumient dastatkova prapracavany ŭ mižsiesijonny pieryjad. Jon padkreśliŭ, što mierkavańnie ab kanikułach pamiž siesijami pamyłkovaje — u hety čas deputaty pradaŭžajuć pracavać, u tym liku z zakonaprajektami.
Kamientary