Čašycie pa sušy

Andrus Ansyp: estonskija ŭłady admoviać u prakładcy Paŭnočnaeŭrapiejskaha hazapravodu.

Urad Estonii ŭ čaćvier maje admović rasiejska-niamieckaj kampanii Nord Stream AG u praviadzieńni daśledavańniaŭ, źviazanych z pabudovaj Paŭnočnaeŭrapiejskaha hazapravodu, u estonskaj marskoj ekanamičnaj zonie. Estonski kanał TV-2 z spasyłkaj na premjer-ministra Andrusa Ansypa paviedamiŭ, što ŭrad u hetym pytańni adnadušny.

Biez daśledavańniaŭ niamožna padrychtavać dakład ab upłyvie prajektu na pryrodu. A biez takoha dakładu, zhodna z estonskim zakanadaŭstvam, niamožna budavać.

Nord Stream AG prasiła Estoniju dazvolić daśledavańni ŭ estonskaj zonie Bałtyjskaha mora, a paśla prakładku tam truby, bo dno ŭ finskaj zonie akazałasia niaroŭnym i nieprydatnym. Finski ŭrad razhladaje Rasieju svaim stratehičnym partneram i byŭ za raelizacyju prajektu, ale finskim ekolaham udałosia davieści, što prakładka hazavaj truby pa niaroŭnym dnie moža spryčynicca da hihanckaj katastrofy.

Rašeńnie Talina musiła być pryniataje jašče na minułym tydni, ale spačatku kaalicyjny ŭrad Estonii ŭ hetym pytańni padzialiŭsia.

Kanservatyŭnyja partyi „Dziela Ajčyny” i „Respublika” suprać, tady jak Refarmisckaja partyja premjera Andrusa Ansypa — za. „Estonija nia moža prosta tak skazać nie hazapravodu”, — dalikatna tłumačyć ministra zamiežnych sprvaŭ Estonii Urmas Paet. Premjer Ansyp niedvuchsensoŭna namiaknuŭ, što sytuacyju ŭskładnili letašnija sankcyi Maskvy, uviedzienyja paśla pieranosu pomnika čyrvonaarmiejcam z centru Talina na vajskovyja mohiłki.

Tady Rasieja razharnuła šumnuju kampaniju, a Ansypa abvinavačvali ŭ neafašyźmie.

«Rasieja sama nastroiła hramadzkuju dumku suprać hazapravodu, akreśłvajučy Estoniju jak krainu parazytarnuju, jakaja žyvie z tranzytu tavaraŭ miž Rasiejaj i Zachadam, — zajaviŭ Ansyp, jaki tady zaniaŭ ćviorduju pazycyju, nie sastupiŭšy nacisku Rasiei i vysłaŭšy z krainy hramadzianaŭ Rasiei, jakija padbuchtorvali manifestantaŭ. — Naša hramadzkaść stvaicca da prajektu hazapravodu pa dnie mora vielmi admoŭna, ale my nia možam prymać rašeńniaŭ, kirujučysia tolki emocyjami. Musim uzvažyć usie aspekty spravy, u tym liku zamiežnuju palityku i achovu navakolkanaha asiarodździa».

Polšča, Łatvija, Litva, a ŭskosna taksama Biełaruś i Ŭkraina vystupajuć u padtrymku admoŭnaha rašeńnia Estonii. Bałtyjskija krainy i Polšča prapanujuć, kab hazapravod pajšoŭ pa sušy. Heta pazbaviła b Rasieju i jaje niamieckich łabistaŭ instrumentaŭ enerhietyčnaha šantažu Centralnaj Eŭropy. Kali «Hazprom» sprabavaŭ adklučyć haz Biełarusi ci Ŭkrainie, tyja ŭ adkaz paprostu pierakryvali tranzytny patok, zmušajučy rasiejskich manapalistaŭ davać zadni chod.

• 0
• 0
• 0
• 0
• 0
• 0
• 0
• 0