Ministerstva nacyjanalnaj abarony Turcyi paviedamiła, što balistyčnaja rakieta, jakaja była vypuščanaja z terytoryi Irana i ŭvajšła ŭ pavietranuju prastoru Turcyi, była źniščanaja nad horadam Hazijantep, što na poŭdni krainy, piša Euronews.
Pavodle zajavy viedamstva, rakietu niejtralizavali elemienty sistemy supraćpavietranaj i supraćrakietnaj abarony NATA, razhornutyja va Uschodnim Mižziemnamorji.
Tureckija vajskoŭcy adznačyli, što abłomki rakiety ŭpali ŭ pustynnaj miascovaści ŭ rajonie Hazijantepa. U vyniku incydentu nichto nie paciarpieŭ.
U ministerstvie padkreślili, što Turcyja nadaje vialikaje značeńnie dobrasusiedskim adnosinam i rehijanalnaj stabilnaści, ale budzie rašuča prymać usie nieabchodnyja miery suprać luboj pahrozy dla svajoj terytoryi i pavietranaj prastory.
Heta ŭžo druhi taki incydent za apošni tydzień. Raniej tureckija ŭłady paviedamlali, što sistema SPA NATA taksama pierachapiła iranskuju rakietu nad terytoryjaj krainy
Niezadoŭha da zajavy tureckaha ministerstva pasolstva ZŠA ŭ Ankary zaklikała svaich hramadzian ustrymacca ad pajezdak na paŭdniovy ŭschod Turcyi.
Dziaržaŭny departamient ZŠA taksama rasparadziŭsia, kab supracoŭniki amierykanskaha ŭrada, jakija nie vykonvajuć krytyčna važnyja funkcyi, a taksama ich siamiejniki pakinuli hienieralnaje konsulstva ZŠA ŭ horadzie Adana ź mierkavańniaŭ biaśpieki.
U Iranie prachodzić prysiaha novamu lidaru Irana Madžtabie Chamieniei
Za tydzień vajny ź Iranam krainy Blizkaha Uschodu vykarystali bolš rakiet Patriot, čym atrymała Ukraina za čatyry hady vajny
Ukraina adpraviła drony i ekśpiertaŭ dla abarony bazy ZŠA ŭ Iardanii
U Bachrejnie zahareŭsia najbujniejšy naftapierapracoŭčy zavod
Tramp niezadavoleny abrańniem Madžtaby Chamieniei
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku14
Kamientary