Źmianić mabilnaha apieratara biez straty numara možna budzie ciaham sutak

U Biełarusi budzie skaročany čas pieranosu abanienckaha numara z troch sutak da 24 hadzin, paviedamlaje BiełaPAN.

Heta praduhledžana pastanovaj Savieta ministraŭ № 843 ad 26 vieraśnia 2013 hoda, paviedamiła pres-słužba ŭrada.

«U metach stymulavańnia raźvićcia pasłuhi pieranosnaści numara i spraščeńnia pracedury jaje akazańnia, a taksama pavyšeńnia prastaty i zručnaści jaje atrymańnia abanientam u praviły akazańnia pasłuh elektrasuviazi ŭnosiacca źmieny, jakija praduhledžvajuć, što dla atrymańnia pasłuhi pieranosnaści abanienckaha numara (numaroŭ) abanient źviartajecca niepasredna da apieratara-recypijenta, heta značyć apieratara, u jakoha płanujecca absłuhoŭvacca ŭ dalejšym», — zaznačyli ŭ pres-słužbie.

Aprača taho, praduhledžvajecca, što termin pieranosu abanienckaha numara nie moža pieravyšać 24 hadzin z momantu afarmleńnia zapytu ab akazańni pasłuhi pieranosu abanienckaha numara (numaroŭ) sotavaj ruchomaj elektrasuviazi ŭ bazu danych pieraniesienych numaroŭ.

Taksama «ŭ metach zabieśpiačeńnia naležnaj jakaści pasłuh, jakaści pracy sietki i absłuhoŭvańnia abanientaŭ praviły akazańnia pasłuh elektrasuviazi dapoŭnieny asobnymi punktami, što praduhledžvajuć zamacavańnie niepasredna ŭ dahavorach z abanientam patrabavańniaŭ da jakaści pasłuh pieradačy danych, što akazvajucca šlacham technałohij stacyjanarnaha šyrokapałosnaha dostupu».

Aprača taho, ustanaŭlivajecca abaviazak apieratara elektrasuviazi pa ich pastajannym kantroli i daviadzieńni da viedama abanientaŭ z dapamohaj publikacyi na svaim internet-sajcie.

Pry hetym u metach stvareńnia dadatkovych umoŭ dla realizacyi abanientami pravoŭ, praduhledžanych zakonam «Ab abaronie pravoŭ spažyŭcoŭ», što tyčacca jakaści pasłuh, praviłami praduhledžana stvareńnie śpiecyjalizavanaha infarmacyjnaha resursu, z dapamohaj jakoha abanient maje prava ŭ pieryjad dziejańnia dahavoru ab akazańni pasłuh pieradačy danych acanić jakaść akazańnia pasłuh pieradačy danych na adpaviednaść ich paramietram i pakazčykam, što zhadanyja ŭ dahavory.

U vypadku nieabchodnaści abanient maje mahčymaść atrymać nieabchodnaje ekśpiertnaje zaklučeńnie, jakoje budzie źjaŭlajecca padstavaj dla pryniaćcia kampietentnymi orhanami rašeńnia pry acency vykanańnia bakami ŭmoŭ dahavoru i vykanańnia patrabavańniaŭ pa jakaści pasłuh pieradačy danych.

Dakumientam praduhledžana norma ab abaviazku apierataraŭ elektrasuviazi pa svoječasovym infarmavańni abanientaŭ na svaim aficyjnym internet-sajcie i (abo) ŭ srodkach masavaj infarmacyi ab bujnych avaryjach i spynieńniach, ich pryčynach i mierkavanych terminach likvidacyi, a taksama ab praviadzieńni płanavych ramontnych rabot na ekspłuatavanych sietkach elektrasuviazi nie paźniej čym za sutki da ich praviadzieńnia, terminach ich zakančeńnia, adklučeńniach ekspłuatavanaj sietki elektrasuviazi abo jaje siehmientaŭ, što viaduć da spynieńnia (prypynieńnia) akazańnia pasłuh elektrasuviazi abanientam i karystalnikam, jakija znachodziacca ŭ zonie jaje absłuhoŭvańnia.

Pastanova ŭvachodzić u siłu praz šeść miesiacaŭ z dnia jaje aficyjnaha apublikavańnia.

• 0
• 0
• 0
• 0
• 0
• 0
• 0
• 0