Aleś Jaźvinski patrabuje viarnuć jamu skanfiskavanyja asobniki “Bramy”, a taksama pravieści z supracoŭnikami milicyi tłumačalnuju pracu.
Aleś Jaźvinski patrabuje viarnuć jamu skanfiskavanyja asobniki “Bramy”, a taksama pravieści z supracoŭnikami milicyi tłumačalnuju pracu.
Spadara Jaźvinskaha zatrymali ŭčora ŭdzień u pasiołku Haradzieja na vakzale, kali toj razmaŭlaŭ ź siabram. “Ja trymaŭ u toj momant u rukach svaju hazetu” – kaža A. Jaźvinski. Padyšli supracoŭniki milicyi i prapanavali prajści ŭ pastarunak. Nahoda – “naviaźliva prystavaŭ sa svajoj hazetaj da hramadzianaŭ”.
U pastarunku pratrymali paŭhadziny i biez składańnia pratakołu pieradali redaktara “Bramy” hrupie niaśviskich milicyjantaŭ. Tyja pažadali ahledzieć aŭto Jaźvinskaha. Znojdzienyja 60 asobnikaŭ № 55 hazety skanfiskavali. “Skazali, što heta patrebna dla ekspertyzy vydańnia, ale ja dumaju, što paprostu chacieli prpavieryć, ci nie drukuju bolš za 299 asobnikaŭ” – miarkuje redaktar.
U Niaśvižy milicyjanty prapanavali jamu naviedacca da jaho na kvateru, spasłaŭšysia, što adpaviedny dazvoł budzie atrymany ad načalnika śledčaha adździełu. Nie adšukaŭšy ničoha padazronaha, milicyjanty ŭ prysutnaści paniatych skłali pratakoł ahladu i syšli. Adnak heta byŭ nie apošni ich vizyt da Jaźvinskaha ŭčora. Praź niekalki hadzinaŭ supracoŭniki Niaśviskaha RUUS naviedalisia da jaho iznoŭ z namieram skanfiskavać systemny blok kamputara. “Ja kateharyčna admoviŭsia na toj padstavie, što nia baču nijakaj nahody dla aryštu abstalavańnia”. Što j było adlustravana ŭ pratakole. Paśla hetaha milicyjanty syšli.
Siońnia Aleś Jaźvinski adnios u rajonnuju prakuraturu skarhu na dzieniańni milicyjantaŭ. Jon patrabuje viarnuć jamu skanfiskavanyja asobniki “Bramy”, a taksama pravieści z supracoŭnikami milicyi tłumačalnuju pracu.
U zahinułaj u Ślapiancy dziaŭčynie apaznali Janu Kastrankovu2
Kamientary