Zołatavalutnyja reziervy Biełarusi źnizilisia za kastryčnik na 575 młn
Heta rekordnaje padzieńnie, roŭnaje jakomu zdarałasia tolki napiaredadni kryzisu 2011 hoda.
Samy tryvožny sihnał finansavych prablem, što znoŭ paŭstajuć pierad Biełaruśsiu: zołatavalutnyja reziervy Nacbanka źnizilisia na $575 młn za kastryčnik i na 1 listapada skłali $6 młrd 813 młn. Pra heta paviedamiŭ Nacbank.
Padzieńnie vyklikana pieradusim pavyšanym popytam pradpryjemstvaŭ i ludziej na valutu: Biełaruś bolš kuplaje za miažoj, čym pradaje. Akramia taho, na kastryčnik prypali novyja vypłaty pa zamiežnych pazykach.
Dalejšaje padzieńnie reziervaŭ u takim temp prymusić urad pajści na adnu z troch mahčymych kontrmieraŭ. Abo adbudziecca čarhovaja devalvacyja rubla, abo ŭrad budzie vymušany ŭ terminovym paradku pradać štości z ekanamičnych aktyvaŭ, abo spatrebicca novy kredyt Antykryzisnaha fondu JeŭrAzES ci MVF. U nivodnaj z hetych opcyj pakul nie było kankretyki.
Kamientary