MUS: Za miažoj pracujuć prykładna 300 tysiač biełarusaŭ
Jak paviedamiŭ na pres-kanfierencyi 21 listapada ŭ Minsku načalnik departamienta pa hramadzianstvie i mihracyi MUS Alaksiej Biahun, takija ličby zasnavany na navukovych daśledavańniach, abśledavańniach chatnich haspadarak.
Dakładnaj infarmacyi pa hetaj prablematycy niama, pryznaŭ jon.
«Kali havaryć naohuł pra lik hramadzian Biełarusi, jakija znachodziacca za miežami krainy i ažyćciaŭlajuć tam pracoŭnuju dziejnaść, to my havorym, chutčej za ŭsio, pra ličbu ŭ 300 tysiač. Ličba vahajecca z-za prybliznaha analizu», — skazaŭ pradstaŭnik MUS.
Jon adznačyŭ, što, pavodle mierkavańnia kampietentnych orhanaŭ Rasii, u hetaj krainie časovaj pracoŭnaj dziejnaściu zajmajucca prykładna 300 tysiač biełarusaŭ. Pavodle infarmacyi biełaruskaha boku, heta ličba značna nižejšaja — kala 100 tysiač.
«Kampietentnyja orhany Biełarusi krychu pamianšajuć hetu ličbu i kažuć pra 100 tysiač biełarusaŭ, jakija na praciahu hoda ažyćciaŭlajuć u miežach karotkaterminovych ci doŭhaterminovych vizitaŭ pracoŭnuju dziejnaść, jakaja apłačvajecca, na terytoryi RF», — zajaviŭ Biahun.
«I biełarusy ŭ Rasii, rasijanie ŭ Biełarusi, kali jany ažyćciaŭlajuć lehalnuju pracoŭnuju dziejnaść, pracujuć pa pracoŭnych dahavorach, — nie ličacca ŭ Biełarusi biespracoŭnymi.
Jany ličacca zaniatymi, płaciać padatki», — zajaviŭ na pres-kanfierencyi načalnik upraŭleńnia palityki zaniataści Ministerstva pracy i sacyjalnaj abarony Aleh Takun.
Ciapier čytajuć
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»2
Kamientary