Pravaachoŭniki ŭžyli ślezaciečny haz suprać prychilnikaŭ jeŭraintehracyi na akcyi kala Kabinieta ministraŭ u paniadziełak u Kijevie.
Kałona mitynhoŭcaŭ, prybyŭšy ź Jeŭrapiejskaj płoščy da budynka Kabinieta ministraŭ, pačała błok-pikiet.
Kala tysiačy demanstrantaŭ na čale z narodnymi deputatami z apazicyjnych frakcyj trymajuć płakaty: «Juli — volu», «Ukraina — u Jeŭrasajuz». Mitynhoŭcy vykrykvajuć: «Hańba», «Urad Azarava ŭ adstaŭku».
Budynak KMU ačepleny supracoŭnikami milicyi i śpiecnaza. U 09.55 (10:55 pa Minsku) pad Kabinietam ministraŭ adbyłasia bojka.
Pry vyjeździe adnoj z uradavych mašyn z terytoryi doma Urada, mitynhoŭcy sprabavali spynić jaje. Śpiecnazaŭcy sprabavali adcisnuć natoŭp, adbyłasia nievialikaja bojka, u jakoj demanstranty sarvali niekalki šlemaŭ.
U hety momant «Bierkut» sprabuje vycieśnić ludziej na prajeznuju častku. Pravaachoŭniki ŭžyli suprać mitynhoŭcaŭ ślezaciečny haz.
Ciapier čytajuć
Pieršaja viasna na voli. Nina i Uładzimir Łabkovičy raskazali pra svaju historyju kachańnia i žyćcio paśla turmy5
Kamientary