Ministerstva antymanapolnaha rehulavańnia i handlu Biełarusi praviało pravierki prodažu kvietak napiaredadni 8 sakavika i znajšło šmat parušeńniaŭ, paviedamiła pres-słužba viedamstva.
U pravierkach udzielničali supracoŭniki MARH, miascovych orhanaŭ ułady, milicyi i padatkovych inśpiekcyj. Pa ŭsioj krainie ahledzieli 28 handlovych abjektaŭ i 35 handlovych placovak, dzie pracavali 148 fizičnych asob i 38 subjektaŭ pradprymalnickaj dziejnaści.
Padčas pravierak vyjavili dva vypadki, kali kvietki pradavalisia pa dakumientach, aformlenych na inšych asob. U ahulnym ža vyniku było vydadziena 35 rekamiendacyj dla likvidacyi parušeńniaŭ.
Siarod najbolš raspaŭsiudžanych prablem — adsutnaść častki tavaraŭ z abaviazkovaha asartymientnaha pieraliku i niedastatkovaja infarmacyja dla pakupnikoŭ. Časta na handlovych miescach nie paznačali nazvu tavaru, krainu jaho pachodžańnia i canu.
Akramia taho, u niekatorych vypadkach kvietki pradavalisia na abjektach, jakija nie ŭniesienyja ŭ handlovy rejestr.
Raniej kvietki ŭvachodzili ŭ pieralik tavaraŭ, na jakija raspaŭsiudžvalisia abmiežavańni pa nacenkach pavodle pastanovy №713. Paźniej ich z hetaha śpisu vyklučyli. Ciapier dziejničaje praviła ab dapuščalnym štomiesiačnym roście cen. U sakaviku jon nie pavinien pieravyšać 2,5 pracenta ŭ paraŭnańni sa śniežniem minułaha hoda.
Jak zachavać bukiet ciulpanaŭ da 10 dzion. Karysnyja parady
Padarunki žančynam na 8 Sakavika mohuć abkłaści strachavymi ŭznosami
Minčanka pakinuła bukiety ŭ harderobie bara. Adzin ź ich zabrali — i padaryli inšaj žančynie
Čyhunačniki z Homiela pavinšavali žančyn z 8 Sakavika i ŭzarvali tyktok
«U saviecki čas amal zarabiŭ na «Žyhuli». Piensijanier raskazaŭ pra svoj kvietkavy biznes
Vulicy Minska zapałanili ciulpany — ceny vahajucca ad 4 da 6 rubloŭ za štuku
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary