Rabočym najbujniejšaha vytvorcy elektroniki ŭ Biełarusi zrežuć zarobak.
Pra heta havorycca ŭ zahadzie dyrektara PUP «Zavod elektronnaj i bytavoj techniki «Haryzont» [zasnavalnikam źjaŭlajecca Kirujučaja kampanija chołdynha «Haryzont» — NN ]Alaksandra Arłova, tekst jakoha dasłali ŭ redakcyju sajta charter97.org.
Ciaham troch miesiacaŭ — z pačatku studzienia i da kanca sakavika 2014 hoda — piatnicy buduć vychodnymi, a zarpłata rabočym pradpryjemstva budzie vypłačvacca z ulikam faktyčna adpracavanaha času.
«Zahadvaju ŭstanavić na ŭnitarnym pradpryjemstvie «ZEBT Haryzont» dla ŭsich rabotnikaŭ strukturnych padraździaleńniaŭ, za vyklučeńniem tych, jakija harantujuć žyćciadziejnaść i biaśpieku pradpryjemstva, niapoŭny pracoŭny tydzień z dadatkovym vychodnym dniom piatnica z 8 studzienia 2014 hoda pa 31 sakavika 2014 hoda.
Načalniku adździeła kadraŭ Karoŭkinaj Je.B. da 1 śniežnia 2013 hoda zaklučyć z rabotnikami pradpryjemstva pahadnieńni ab ustanaŭleńni režymu niapoŭnaha pracoŭnaha tydnia. Adnačasova rastłumačyć rabotnikam nastupstvy admovy ad pracy ŭ prapanavanym režymie.
Dla rabotnikaŭ, jakim budzie ŭstanoŭleny režym pracy ź niapoŭnym pracoŭnym tydniem, apłatu ažyćciaŭlać za faktyčna adpracavany čas z pačasovaj-premijalnaj apłataj pracy, i za faktyčna vykananuju pracu sa ździelna-premijalnaj apłataj pracy», - havorycca ŭ zahadzie.
Pra toje, jakimi nastupstvami moža paviarnucca admova ad pracy ŭ «prapanavanym režymie», ab rastłumačeńni jakich havorycca ŭ dakumiencie, nieviadoma.
«Zahad, pa jakomu rabotnikaŭ pieravodziać na skaročany tydzień, - niezakonny. Supiarečyć artykułu 32 Pracoŭnaha kodeksa RB. Heta paćvierdzić luby juryst», piša čytač sajta charter97.org.
Z padobnymi prablemami zavod sutykaŭsia ŭ pieršaj pałovie hetaha hoda.
Rabočyja paviedamlali pra toje, što z pradpryjemstva zvolnienyja bolš za sto čałaviek, a pracuje jano ź pierabojami. U pačatku sakavika ŭ niekatorych cechach byŭ ŭviedzieny čatyrochdzionny pracoŭny tydzień. U pryvatnaści, heta zakranuła cech pa zborcy televizaraŭ. Piatnica była abvieščanaja vychodnym dniom, a čatyry pracoŭnyja dni pieranieśli na vosień.
Ciapier čytajuć
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni45
Kamientary