Rynak patrymanych rečaŭ — «pole cudaŭ» — u Ždanovičach zakryvacca nie budzie. Pavodle infarmacyi pres-słužby Minharvykankama, kiraŭnictva horada nie padtrymała rašeńnie administracyi TAA «Handlovy dom «Ždanovičy» ab zakryćci rečavaha rynku pa handli patrymanymi tavarami.
Jak prakamientavaŭ situacyju namieśnik staršyni Minharvykankama Andrej Damaracki, na čas rekanstrukcyi placoŭki hetaha rynku miescy dla handlu patrymanymi tavarami buduć pieraniesienyja ŭ inšyja zony na terytoryi rynku «Ždanovičy».
Usie achvotnyja buduć zabiaśpiečanyja abuładkavanymi handlovymi miescami, košt arendy handlovaha miesca zastaniecca na raniejšym uzroŭni.
Kiraŭnictvu TAA «Handlovy dom «Ždanovičy» dadziena daručeńnie ŭsie raboty pa naviadzieńni paradku zaviaršyć da 10 studzienia 2014 hoda.
Ab płanach zakryć z 2 śniežnia siektar patrymanych tavaraŭ (tak zvanaje «pole cudaŭ»), jaki znachodzicca ŭ kiravańni TAA «Handlovy dom «Ždanovičy», raniej paviedamiŭ načalnik infarmacyjna-rekłamnaj słužby HD «Ždanovičy» Vital Horbač.
Kamientary