Urad Rasijskaj Fiederacyi praciahnuŭ na 2014 hod pahadnieńnie ź Biełaruśsiu pa naftavych pošlinach. Adpaviednaje rašeńnie apublikavana 9 śniežnia na sajcie rasijskaha ŭrada.
«Prajekt pratakoła praduhledžvaje praciah dziejańnia pahadnieńnia ab paradku vypłaty i zaličeńnia vyvaznych mytnych pošlin (inšych pošlin, padatkaŭ i zboraŭ, jakija majuć ekvivalentnaje dziejańnie) pry vyvazie z terytoryi Respubliki Biełaruś za miežy mytnaj terytoryi Mytnaha sajuza nafty syroj i asobnych katehoryj tavaraŭ, vypracavanych z nafty, ad 9 śniežnia 2010 hoda na 2014 hod», — havorycca ŭ paviedamleńni ŭrada.
Va ŭradzie RF prakamientavali, što «ŭ adpaviednaści z artykułam 17 pahadnieńnie spyniaje dziejańnie adnačasova z uvachodžańniem u siłu pahadnieńnia pamiž Respublikaj Biełaruś, Respublikaj Kazachstan i Rasijskaj Fiederacyjaj ab paradku vypłaty vyvaznych mytnych pošlin. Zaraz takoje pahadnieńnie nie raspracavana, u suviazi z hetym uźnikła nieabchodnaść prałanhacyi dziejnaha pahadnieńnia».
Nahadajem, Biełaruś atrymlivaje ŭ miežach Mytnaha sajuza z Rasii naftu biez vypłaty pošliny, adnak pieraličvaje ŭ rasijski biudžet vyvaznuju pošlinu za ekspartavanyja naftapradukty, vyrablenyja z hetaj nafty.
U pieršaj pałovie kastryčnika Alaksandr Łukašenka zajaviŭ, što ŭ hadavym vyražeńni abjom srodkaŭ, jakija pieraličvajucca ŭ rasijski biudžet u vyhladzie naftapošlin, moža dasiahać 4 młrd. dalaraŭ.
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ2
Kamientary