Jak paviedamiła pradstaŭnik Śledčaha kamiteta Taćciana Biełanoh, 24-hadovy uradženiec Bresckaj vobłaści znachodziŭsia ŭ mižnarodnym vyšuku pa padazreńni ŭ machlarstvie.
«Ustanoŭlena, što ŭ pieryjad ź lipienia 2010 pa vierasień 2011 złamyśnik pad roznymi nadumanymi pryčynami i abaviazalnictvami zavałodaŭ hrašyma i majomaściu hramadzian na terytoryi Bresckaj, Hrodzienskaj, Minskaj abłaściej. Schiemy machlarstva i sumy pazyki byli roznyja. U adnych vypadkach jon pazyčaŭ 100 dalaraŭ dla asabistych patrebaŭ, u inšych — braŭ zvyš 7000 dalaraŭ nibyta dla akazańnia dapamohi ŭ nabyćci i dastaŭcy z-za miažy aŭtamabila. Pry hetym u pryznačany termin hrošy i aŭtamabil nie viartaŭ»,
— raskazała Biełanoh.
Padčas papiaredniaha śledstva vyjaŭleny 54 epizody, u vyniku jakich u 21 paciarpiełaha skradzieny hrošy i majomaść bolš čym na 100 tysiač dalaraŭ.
Padazravany byŭ zatrymany ŭ Sankt-Pieciarburhu i ekstradziravany ŭ Biełaruś. Znachodzicca pad vartaj.
Materyjały spravy pieradadzieny ŭ prakuraturu dla nakiravańnia ŭ sud.
Ciapier čytajuć
Łukašenka raskazaŭ pra zabojstva apazicyjaniera, jakoje nibyta adbyłosia try dni tamu18
Kamientary