Tema ŭviadzieńnia ŭ Biełarusi tak zvanaha padatku na darmajedstva nie zakrytaja i patrabuje abmierkavańnia. Ab hetym paviedamiŭ namieśnik ministra finansaŭ Maksim Jermałovič u interv`iu «Narodnoj hazietie».
«Ciapier prapracoŭvajecca varyjant takoha płaciažu jak niejkaj formy kampiensacyi raschodaŭ dziaržavy na pradastaŭleńnie sacyjalnych pasłuh nasielnictvu. Mahu skazać, što ŭ biudžet 2014 hoda hety płaciež nie trapiŭ, jon jašče patrabuje svajho abmiežavańnia», — skazaŭ Jermałovič.
U Ministerstvie finansaŭ ličać, što padstavy dla ŭviadzieńnia takoha płaciažu jość.
«My atrymlivajem pasłuhi achovy zdaroŭja, adukacyi, karystajemsia pasłuhami ŽKH i transpartu, apłačvajučy tolki častku ich sabiekoštu. Ale kali čałaviek, jaki pracuje, kampiensuje ich košt praz padatki, što płacić u biudžet i ŭ Fond sacabarony, to čałaviek, jaki nie pracuje, u hetym nie ŭdzielničaje. Ale jon karystajecca pasłuhami naroŭni z usimi», — patłumačyŭ namieśnik kiraŭnika Minfina.
Tamu, pradoŭžyŭ Jermałovič, adna z prapanoŭ pa miechaniźmie źbirańnia hetaha płaciažu źviazana z uviadzieńniem sacyjalnych kart, najaŭnaść jakich dazvolić hramadzianam, jakija pracujuć, atrymlivać peŭny nabor pasłuh biaspłatna, a tym, chto aficyjna nidzie nie pracuje, pryjdziecca apłačvać košt hetych pasłuh.
«Naŭskidku mahu vykazać mierkavańnie, što suma takoha padatku pavinna być niejkaj siaredniaj vieličynioj padachodnaha padatku, što vypłačvajecca hramadzianami, i adličeńniaŭ u Fond sacabarony.
Samaje składanaje tut — vyznačyć pieralik hramadzian, jakija traplajuć pad katehoryju darmajedaŭ. Usio heta patrabuje šyrokaha abmierkavańnia», — skazaŭ Maksim Jermałovič.
Miž tym raniej paviedamlałasia, što štohadovaja suma padatku moža skłaści 2,6 młn. rubloŭ (kala 280 dołaraŭ pa biahučym kursie).
Ciapier čytajuć
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary