Hidramieteacentr: da 10 studzienia nadvorje budzie ciopłym

U pieršaj dekadzie studzienia ciopłaje nadvorje zachavajecca, u druhoj i treciaj — pachaładaje

U pieršaj dekadzie studzienia prahnazujecca nie pa siezonie ciopłaje nadvorje, u druhoj i treciaj — pachaładaje, paviedamiŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ.

«Studzień - samy chałodny zimovy miesiac. Ale ŭ hetym hodzie jon budzie ciaplejšy, čym zvyčajna. Siaredniaja tempieratura čakajecca vyšej za normu, jakaja składaje minus 4,5 - minus 8 ° S. Miesiačnaja kolkaść apadkaŭ miarkujecca kala siarednich šmathadovych značeńniaŭ, miescami bolš za klimatyčnuju normu (32 -46 mm)», - skazaŭ jon.

Ad 1 da 10 studzienia budzie naziracca pavyšany tempieraturny režym, paviedamiŭ Rabaŭ.

6 studzienia čakajucca karotkačasovyja apadki, u asnoŭnym doždž. Miescami tuman. Tempieratura pavietra nočču 0 - plus 4 ° S, dniom plus 1—6 ° S.

7 studzienia nočču miescami, dniom na bolšaj častcy terytoryi apadki, u asnoŭnym doždž. U asobnych rajonach tuman, nočču i ranicaj na darohach hałalodzica. Tempieratura pavietra nočču minus 2 — plus 4 ° S, dniom plus 1—7 ° S.

8 studzienia nočču miescami, dniom na bolšaj častcy Biełarusi apadki, u asnoŭnym doždž. U asobnych rajonach tuman, nočču i ranicaj na darohach hałalodzica. Tempieratura pavietra nočču minus 1 — plus 4 ° S, dniom plus 2—7 ° S.

9 studzienia na bolšaj častcy terytoryi apadki, u asnoŭnym doždž. U asobnych rajonach tuman, nočču i ranicaj na darohach hałalodzica. Tempieratura pavietra nočču minus 1 — plus 4 ° S, dniom plus 2—7 ° S.

10 studzienia na bolšaj častcy krainy apadki (doždž, mokry śnieh), miescami tuman, słaby hałalod, na darohach hałalodzica. Tempieratura pavietra na praciahu sutak 0 — plus 5 ° S. U siarednim pa Biełarusi za dekadu vypadaje 13 mm apadkaŭ (34 % miesiačnaj kolkaści).

Pa słovach sinoptyka, ad 11 da 20 studzienia čas ad času buduć iści apadki ŭ vyhladzie śniehu, mokraha śniehu i daždžu. Tempieratura pavietra ŭnačy ŭ asnoŭnym składzie 0 — minus 7 ° S, pry prajaśnieńniach minus 8—13 ° S dniom minus 3 — plus 3 ° S, pa poŭdni časam plus 4—7 ° S.

U druhoj pałovie dekady na praciahu adnaho- troch dzion pieravažna pa paŭnočnym uschodzie pavietra miescami moža achałodžvacca ŭ načnyja hadziny da minus 14—18 ° S, dzionnaja tempieratura pry hetym nie pieravysić minus 4—10 ° S. Miescami tuman, na darohach hałalodzica. Za dekadu vypadaje ŭ siarednim pa krainie 12 mm apadkaŭ (32% miesiačnaj kolkaści).

Rabaŭ paviedamiŭ, što ad 21 da 31 studzienia tempieratura pavietra ŭnačy ŭ asnoŭnym budzie znachodzicca ŭ miežach ad minus 1—6 ° S da minus 7—13 ° S, dniom adpaviedna ad minus 3 — plus 4 ° S da minus 4—9 ° S. U samyja chałodnyja sutki mahčyma panižeńnie tempieratury pavietra nočču da minus 14—19 ° S, dniom — da minus 7—12 ° S. U asobnyja dni śnieh, mokry śnieh, hałalodnyja źjavy, miescami tuman. Za treciuju dekadu vypadaje ŭ siarednim pa Biełarusi 14 mm apadkaŭ (34 % miesiačnaha kolkaści).

• 0
• 0
• 0
• 0
• 0
• 0
• 0
• 0