18-tomnaja «Biełaruskaja encykłapiedyja» dastupnaja ŭ internecie

Vydańnie nacyjanalnaj encykłapiedyi – abaviazkovaja ŭmova dla isnavańnia niezaležnaj dziaržavy. Bo mienavita na staronkach šmattomnaha daviednika možna pradstavić usio pra Biełaruś i pra ŭvieś śviet pa-biełarusku.

U savieckija časy vydaviectva «Biełaruskaja savieckaja encykłapiedyja» uznačalvaŭ paet Piatruś Broŭka. Mienavita pry im była padrychtavanaja i vydadzienaja pieršaja 12-tomnaja «Biełaruskaja savieckaja encykłapiedyja». Pry ŭsich niedachopach (havorka asabliva pra savieckaje myśleńnie, jakoje daminavała ŭ artykułach) na jaje staronkach byli ŭpieršyniu źmieščany bijahrafii šerahu nacyjanalnych dziejačoŭ (chaj sabie, i z admoŭnaj acenkaj).

Z abviaščeńniem niezaležnaści Biełarusi stała zrazumieła: hramadstvu patrabujecca novaja encykłapiedyja, napisanaja z nacyjanalnych pazicyj.

Jaje padrychtoŭka pačałasia ŭ 1993 hodzie pad kiraŭnictvam piśmieńnika i daśledčyka biełaruskaj emihracyi Barysa Sačanki. 18 tamoŭ (apošni ŭ dvuch knihach) vyjšli ŭžo paśla jaho śmierci pad kiraŭnictvam paeta Hienadzia Paškova.

Pieršy tom źjaviŭsia ŭ 1996, apošni – u 2004 hodzie. Kožny z tamoŭ źmiaščaje prykładna pa 100 ulikova-vydavieckich arkušaŭ kniha). U 18 tamach źmieščana kala 80 tysiač terminaŭ.

Biełaruskaja encykłapiedyja – univiersalny sistematyzavany daviednik, jaki źmiaščaje samyja raznastajnyja źviestki pa ŭsich halinach viedaŭ, nazapašanych čałaviectvam, pra najvažniejšyja padziei historyi i sučasnaha hramadska-palityčnaha žyćcia, pra vydatnych dziejačaŭ usich časoŭ i narodaŭ. U toj ža čas peŭnaja pieravaha addajecca arhumientavanamu aśviatleńniu padziej, źjaŭ, faktaŭ, źviazanych ź Biełaruśsiu i ź jaje vydatnymi dziejačami va ŭsich halinach žyćcia.

Takija daviedniki apryjory pavinny być dastupnyja ŭ elektronnym varyjancie. Raźmiaščeńnie encykłapiedyi ŭ internecie – nadzvyčaj hodnaja sprava.

Akramia taho, treba źviarnuć uvahu jašče na dva aśpiekty. Nie sakret, što bolšaść zvyčajnych naviedvalnikaŭ čaściej nie hartajuć usiu encykłapiedyju, a vybirajuć asobnyja artykuły na papularnych resursach. Naprykład, u «Vikipiedyi». Elektronnaja encykłapiedyja, napisanaja «narkamaŭkaj», naličvaje 67,7 tysiač artykułaŭ, «taraškievicaj» – amal 52 tysiačy. Ciapier redaktary zmohuć jašče bolš pavialičyć ich abjom, dadaŭšy materyjały 18-tomnika.

Druhi aśpiekt źviazany z tym, što

źviestki, źmieščanyja ŭ daviednikach, imkliva starejuć. Z časoŭ padrychtoŭki pieršaha toma prajšło ŭžo amal dva dziesiacihodździa. Tamu budučynia ŭsich encykłapiedyj – za ich raźmiaščeńniem u elektronnym farmacie z mahčymaściu abnaŭleńnia. Źjaŭleńnie 18-tomnika na Slounik.org – adzin ź pieršych krokaŭ u hetaj spravie.

• 0
• 0
• 0
• 0
• 0
• 0
• 0
• 0