Samalot-pomnik Su-7B, jaki bolš za 40 hadoŭ byŭ adnoj z admietnaściaŭ mikrarajona Ściapianka ŭ Minsku, nakiravali na restaŭracyju. Pra heta paviedamili ŭ administracyi Partyzanskaha rajona stalicy.
Śpiecyjalisty ŭžo pačali ramontna-adnaŭlenčyja raboty manumienta, jaki znachodzicca na vulicy Karvata. Samalot pieravieźli na Minski zavod cyvilnaj avijacyi № 407, dzie i budzie prachodzić restaŭracyja.
Płanujecca abnavić nie tolki sam samalot, ale i padmurak pomnika, a taksama ŭparadkavać prylehłuju terytoryju. Rajonnyja ŭłady zapeŭnivajuć, što paśla zakančeńnia rabot abnoŭleny reaktyŭny źniščalnik-bambavik vierniecca na svajo miesca.
Samalot Su-7B pastavili ŭ Ściapiancy ŭ siaredzinie 1980‑ch hadoŭ, kali tam znachodziŭsia vajskovy haradok. Bajavuju mašynu tady dastavili z aeradroma Babrovičy ŭ Homielskaj vobłaści. Pieršapačatkova samalot mieŭ bartavy numar 77. Paśla pierajmienavańnia hałoŭnaj vulicy ŭ honar padpałkoŭnika Uładzimira Karvata numar źmianili na 29 — u pamiać pra samalot, na jakim pieršy ŭładalnik hanarovaha zvańnia Hieroj Biełarusi zahinuŭ 23 maja 1996 hoda.
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary