Abnoŭleny «Indeks ekanamičnaj svabody» byŭ apublikavany 14 studzienia na internet-staroncy Heritage Foundation.
Rejtynh, u jakim naličvajecca 178 krain śvietu, uznačalvaje Hankonh. U hrupu całkam svabodnych krain uvajšli Sinhapur, Aŭstralija, Šviejcaryja, Novaja Ziełandyja i Kanada. Apošni radok rejtynhu zajmaje Paŭnočnaja Kareja, pieradapošni — Kuba. Susiedzi Biełarusi ŭ rejtynhu raźmiaścilisia ŭ takoj paśladoŭnaści: Litva na 21 miescy, Łatvija na 42-m, Polšča na 50-m, Rasija na 140-m, Ukraina na 155 miescy.
Spravazdaču štohod rychtuje Heritage Foundation sumiesna z hazietaj Wall Street Journal. Analiz ekanamičnaj svabody pravodzicca z 1995 hoda. Aŭtary indeksa vymierajuć ekanamičnuju svabodu ŭ 178 krainach pa dziesiaci pakazčykach: prava ŭłasnaści, svaboda ad karupcyi, fiskalnaja svaboda, dziaržaŭnyja vydatki, svaboda pradprymalnictva, svaboda pracy, manietarnaja svaboda, svaboda handlu, svaboda inviestycyj, finansavaja svaboda.
Kamientary