Žychara pasiołka Kastryčnicki Uładzisłava Brazhunova šukajuć užo trecija sutki. Chłopčyk pajšoŭ z domu 18 studzienia kala 16.00, raspavioŭ namieśnik načalnika adździeła ŭnutranych spraŭ Viciebskaha rajvykankama Andrej Abuškievič.
«Padletka vychoŭvaje babula, jakaja paprasiła ŭnuka atrymać na pošcie pasyłku. Addała jamu svoj pašpart i bankaŭskuju kartku dla apłaty paštovych pasłuh. Dzicia dadomu nie viarnułasia. Na pošcie rastłumačyli, što pasyłku jon atrymaŭ», — skazaŭ Andrej Abuškievič.
Chłopčyk charaktaryzujecca ŭ škole stanoŭča, u jaho nie było nijakich kanfliktaŭ, doma taksama byli stvorany narmalnyja ŭmovy dla žyćcia i vychavańnia. Z babulaj Uładzisłaŭ nie svaryŭsia.
U pošukach supracoŭnikam milicyi aktyŭnuju dapamohu akazvaje kalektyŭ škoły, a taksama administracyja sielskahaspadarčaha pradpryjemstva «Lipaŭcy».
«U pasiołku praviedziena abśledavańnie ŭsich paddachavych i padvalnych pamiaškańniaŭ. Viadziecca adpracoŭka susiednich dačnych pasiołkaŭ», - udakładniŭ namieśnik načalnika adździeła.
Prykmiety: źnikłamu chłopčyku na vyhlad 12—14 hadoŭ, rost 130 sm, chudarlavaha ciełaskładu, vałasy karotkija ciomna-rusyja, vočy karyja. Byŭ apranuty ŭ kurtku-puchavik čornaha koleru, džynsy siniaha koleru, zimovyja boty čornaha koleru, viazanuju šapačku siniaha koleru.
Asablivyja prykmiety: na śpinie majecca rodnaja plama dyjamietram 5 sm u vyhladzie apioku.
Milicyja prosić usich, kamu niešta viadoma pra miescaznachodžańnie chłopčyka, paviedamić infarmacyju pa telefonach 102, (80212) 48-78-51 abo (80212) 58-79-27.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio47
Kamientary