Čarnobylskaja AES zastałasia bieź źniešniaha siłkavańnia paśla rasijskaj ataki
Čarnobylskaja atamnaja stancyja całkam straciła suviaź sa źniešniaj elektrasietkaj z-za maštabnaha abstrełu. Pra heta paviedamiła Mižnarodnaje ahienctva pa atamnaj enierhii (MAHATE).
Kiraŭnik arhanizacyi Rafael Hrosi ŭdakładniŭ, što ranicaj 20 studzienia pad udaram apynulisia niekalki padstancyj, jakija majuć vyrašalnaje značeńnie dla jadziernaj biaśpieki. Akramia ČAES, paciarpieli i linii elektrapieradač, jakija viaduć da inšych ukrainskich atamnych stancyj. Ciapier ekśpierty MAHATE sprabujuć acanić, nakolki surjoznaja pahroza ŭźnikła dla biaśpieki abjektaŭ.
Pakul Čarnobylskaja stancyja zastajecca biez toku, zachavańnie biaśpiečnych tempieraturnych režymaŭ i manitorynh radyjacyjnaha fonu zaležać ad pracy aŭtanomnych sistem.
Situacyja vakoł ČAES zastajecca tryvožnaj jašče i praz ryzyku razbureńnia achoŭnych kanstrukcyj. Dyrektar stancyi Siarhiej Tarakanaŭ raniej papiaredžvaŭ: navat kali rasijskaja rakieta ci dron prosta ŭpadzie pobač, heta moža vyklikać łakalny šturšok, padobny da ziemlatrusu. Takaja vibracyja zdolnaja paškodzić sarkafah. Harantyi, što achoŭnaja kanstrukcyja vytrymaje padobnuju nahruzku, siońnia dać nichto nie moža.
Kamientary