Ludzi pačali zbor hrošaj dla baćkoŭ zabitaha ŭ Kijevie biełarusa KANTAKTY
«Ja jaho dobra razumieju. Jon čałaviečy bol usprymaŭ jak svoj i prapuskaŭ praz ułasnaje serca. Jon usio spraviadlivaści na śviecie chacieŭ», — kaža mama zabitaha Michała Žyźnieŭskaha Nina.
U śmierci syna Nina Žyźnieŭskaja vinavacić tych, «chto stajaŭ na dachu i stralaŭ u niavinnych ludziej». «Mišy kula trapiła prosta ŭ hrudzi, značyć, stralali metanakiravana prosta ŭ jaho. Niachaj hetym nieludziam budzie addadziena pa zasłuhach», — skazała jana.
Mamu Mišy Žyźnieŭskaha 23 studzienia naviedała hrupa žurnalistaŭ i błohieraŭ. Heta była ciažkaja razmova.
Nina Vasiljeŭna raspłakałasia, kali adzin z prysutnych skazaŭ joj, što jaje syn hieroj i što ludzi im hanaracca. Mama skazała, što joj nie patrebien syn-hieroj. Joj patrebien žyvy Miša, apora ŭ staraści…
U subotu cieła Michała Žyźnieŭskaha majuć pieravieźci z Kijeva ŭ Homiel. Tam jon budzie pachavany.
«Ja razumieju, što my nie možam nijak ablehčyć ichni bol, — piša błohierka Darja Katkoŭskaja, — ale treba abyścisia ź imi tak, jak my b chacieli, kab ludzi pastupili z vašaj mamaj, kali b heta było jaje biada. My možam pakazać, što my pamiatajem i hanarymsia Mišam, jaki zahinuŭ u imia svabody».
U Homieli achviaravańni źbiraje Andrej Stryžak (029) 734-14-99, (044) 510-05-11.
U Minsku achviaravańni źbiraje Darja Katkoŭskaja (029) 395-73-99.
Taksama hrošy možna pieradać praz Upravu BNF (vuł. Čarnyšeŭskaha, 3, teł. (017) 284-50-12).
U Varšavie hrošy źbirajuć Dźmitry Hurnievič i Svieta Kurs (kantakt praz Fejsbuk pa tut padadzienych spasyłkach).
Ciapier čytajuć
Pieršaja viasna na voli. Nina i Uładzimir Łabkovičy raskazali pra svaju historyju kachańnia i žyćcio paśla turmy5
Kamientary