Hubiernatar Smalenskaj vobłaści Alaksiej Astroŭski sustreŭsia ź dziaržsakratarom Sajuznaj dziaržavy Hryhoryjem Rapotam i abmierkavaŭ vostryja momanty, źviazanyja z supracoŭnictvam pradpryjemstvaŭ Smalenščyny i Biełarusi.
Pra heta paviedamlaje pres-słužba administracyi vobłaści.
Na sustrečy abmiarkoŭvalisia pytańni akazańnia dapamohi va ŭrehulavańni sprečnych momantaŭ, jakija ŭźnikli va ŭzajemaadnosinach AAT «Safonaŭski elektramašynabudaŭničy zavod», jakoje ŭvachodzić u skład Rasijskaha elektratechničnaha kancerna «Rusełpram», z žodzinskim «BiełAZam».
Pradpryjemstvy ŭžo doŭhi čas supracoŭničajuć, ale z druhoha paŭhodździa 2013 biełaruskija partniory pierastali płacić za adhružanuju pradukcyju.
Na 20 studzienia 2014 pazyčanaść pierad safonaŭskim pradpryjemstvam skłała 37,1 młn rasijskich rubloŭ (kala 1 młn dalaraŭ), i zavod pierastaŭ adhružać u Biełaruś vyrablenyja hienieratary. Składskija zapasy pradukcyi dla AAT «BiełAZ» na siońnia aceńvajucca ŭ 29,7 młn rasijskich rubloŭ.
Mieŭ pazyčanaść biełaruski bok i pierad Smalenskim aŭtaahrehatnym zavodam. Niahledziačy na toje, što biełaruskija pradpryjemstvy pahasili bolšuju častku pazyčanaści, Alaksiej Astroŭski adznačyŭ, što realizavanaja ŭ Biełarusi prahrama impartazamiaščeńnia pryviała da taho, što značna źnizilisia abjomy pastavak krapiežnych vyrabaŭ i vuzłoŭ tranśmisii, jakija vyrablajucca smalenskim i Rasłaŭlskim aŭtaahrehatnym zavodam. Kiraŭnik rehijona paprasiŭ dziaržsakratara Sajuznaj dziaržavy akazać sadziejničańnie ŭ stabilizacyi situacyi z pastaŭkami rasijskaj pradukcyi biełaruskim aŭtahihantam.
Pretenzii ŭ hubiernatara Smalenskaj vobłaści jość i da MTZ.
«Ahrapramysłovaja kampanija», jakaja ažyćciaŭlaje licenzijnuju zborku traktaroŭ marki «Biełarus» i darožna-budaŭničych i kamunalnych mašyn, vypuskała ŭ hod kala 2800 adzinak techniki. Adnak u 2012 i 2013 hadach adbyłosia rezkaje padzieńnie vytvorčaści (da 77 adzinak u hod), źviazanaje z tym, što «Minski traktarny zavod» pieravioŭ «ahrapramysłovyja kampanii» na pieradapłatu.
Alaksiej Astroŭski źviarnuŭsia da Hryhoryja Rapoty z prośbaj akazać sadziejničańnie ŭ razhladzie ŭładami Biełarusi pytańnia ab pastaŭcy Minskim traktarnym zavodam na adras «Ahrapramysłovaj kampanii» ŭ pieršym kvartale 2014 traktarakamplektaŭ u nieabchodnych abjomach (štomiesiac pa 50 kamplektaŭ) na ŭmovach adterminoŭki płaciažu ŭ 30 rabočych dzion z momantu adhruzki. Kiraŭnik rehijona adznačyŭ, što ŭ jakaści harantyi apłaty kampanija hatova pradstavić najaŭnyja ŭ jaje ŭłasnaści aktyvy ŭ vyhladzie ziamielnaha ŭčastka, vytvorčych cechaŭ i abstalavańnia.
Ciapier čytajuć
U SIZA KDB apynuŭsia Mikałaj Cyrto, fihurant staroj spravy Biełarusbanka. Druhi raz — za palityku1
U SIZA KDB apynuŭsia Mikałaj Cyrto, fihurant staroj spravy Biełarusbanka. Druhi raz — za palityku
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1111
Kamientary