Alaksandr Łukašenka patrabuje kardynalnaha palapšeńnia finansavaha stanu sistemy spažyvieckaj kaapieracyi i naroščvańnia pazicyj na ŭnutranym spažyvieckim i źniešnim rynkach. Ab hetym jon zajaviŭ siońnia na naradzie ab stanie i raźvićci spažyvieckaj kaapieracyi Biełarusi.
Alaksandr Łukašenka nahadaŭ, što, naznačajučy ŭ śniežni minułaha hoda novaha staršyniu praŭleńnia Biełkaapsajuza, damaŭlalisia, što ŭ pačatku 2014 hoda jon pradstavić toje, jak budzie pracavać, funkcyjanavać sistema Biełkaapsajuza, što budzie zroblena dla ŭdaskanaleńnia jaje dziejnaści i vyvadu ź finansavaj jamy.
«Biełkaapsajuz u nas nikoli nie vyznačaŭsia. I kali jamu byli pradstaŭleny niadrennyja mahčymaści ŭ kankurentnaj baraćbie na hetym poli, za hety čas praktyčna, akramia baraćby z karupcyjaj, bolš ničoha nie było zroblena», — skazaŭ jon.
Łukašenka akcentavaŭ uvahu na tym, što kaapieratyŭny handal źjaŭlajecca važniejšaj krynicaj zabieśpiačeńnia sielskich žycharoŭ charčovymi i pramysłovymi tavarami, usim nieabchodnym dla žyćcia i viadzieńnia padsobnych haspadarak. Pavodle jaho słoŭ, heta amal čverć nasielnictva krainy.
«Dy i ŭ rajonnych centrach jakaść i raznastajnaść pasłuh, što akazvajucca nasielnictvu, u mnohim vyznačajucca rabotaj pradpryjemstvaŭ spažyvieckaj kaapieracyi. Heta jašče plus bolš jak miljon čałaviek», - dadaŭ kiraŭnik dziaržavy.
«Biełkaapsajuz» — heta šmathalinovaja struktura, jakaja abjadnoŭvaje roznyja napramki dziejnaści: ad zakupak i vytvorčaści syraviny da jaje pierapracoŭki i realizacyi, akazańnia roznych pasłuh nasielnictvu, — adznačyŭ Łukašenka. — Mienavita tamu dziaržava nie moža być ubaku ad vynikovaści ich dziejnaści».
Alaksandr Łukašenka źviarnuŭ uvahu na toje, što rabota Biełkaapsajuza nie raz krytykavałasia.
U lutym minułaha hoda na ahulnym schodzie jaho pradstaŭnikoŭ Łukašenka vyłučyŭ asnoŭnyja prablemy i niedapracoŭki, jakija nieabchodna ŭstaraniać. «Adnak byłoje kiraŭnictva z hetym nie spraviłasia», - kanstatavaŭ Alaksandr Łukašenka.
Jon zapatrabavaŭ detalovych arhumientavanych adkazaŭ, pierš za ŭsio na pytańnie, jakija miery praduhledžvajucca dla kardynalnaha palapšeńnia finansavaha stanu sistemy spažyvieckaj kaapieracyi, a taksama jak płanujecca pavysić maštabnaść i jakaść absłuhoŭvańnia, nie tolki ŭtrymać, ale i naraścić svaje pazicyi na ŭnutranym spažyvieckim i źniešnim rynkach. Łukašenka adznačyŭ, što ŭ sistemie spažyvieckaj kaapieracyi amal 80% nizkarentabielnych arhanizacyj.
Kamientary