Supracoŭnik pres-słužby UUS Minharvykankama: Akcyja fanataŭ BATE była niezakonnaja i ich buduć karać
Supracoŭnik pres-słužby UUS Minharvykankama Siarhiej Baśko paćvierdziŭ infarmacyju ab tym, što dvoje fanataŭ BATE adbyvajuć pakarańnie za administracyjnaje parušeńnie.
«Dva čałavieki pryciahnuty da administracyjnaj adkaznaści pa artykule 23.34, častka pieršaja. Pa piać sutak im dali. Zaraz ustanaŭlivajucca inšyja ŭdzielniki akcyi. Razmaŭlajuć ź imi, abtelefanoŭvajucca. Ja razmaŭlaŭ z kiraŭnikom adździeła pa hramadskaj biaśpiecy Barysaŭskaha UUS, i jon daŭ takuju infarmacyju.
Raz akcyja była niezakonnaja, nie było dazvołu, to ich buduć pryciahvać da administracyjnaj adkaznaści. Buduć vyklikać na razmovy, što jon rabiŭ.
Moža, jon dumaŭ — prosta fatahrafujemsia. Tam ža staić dvaccać čałaviek, a płakaty trymajuć 8—10. Moža, jon skaža, što nie viedaŭ takoha. Varyjantaŭ šmat.
Pakul ich nie znojduć, nijak nie mohuć lažać pratakoły.
Proźviščy aryštavanych? Ludzi vykazali svaju pazicyju, ich za heta pryciahnuli. Kali jany zachočuć sami abjavicca, chaj abjaŭlajucca, heta ich asabistaja sprava. My heta rabić nie abaviazany», — paviedamiŭ Baśko.
27 studzienia ŭ internecie źjaviŭsia zdymak, na jakim 23 fanaty BATE sfatahrafavalisia ź bieł-čyrvona-biełym ściaham i płakatami «Trymajsia, Ukraina, my z vami!» I «Hierojam słava!». Paźniej hramadski aktyvist Siarhiej Sałaš paviedamiŭ, što na ŭsich 23-ch barysaŭskich udzielnikaŭ akcyi salidarnaści z ukrainskim Jeŭramajdanam padrychtavany sudovyja pastanovy na roznyja administracyjnyja terminy.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?2
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju2828
Kamientary