Alimpijski ściah nieśli ŭ Sočy biełaruska, a taksama žurnalistka, jakuju zatrymlivali ŭ Minsku
Siońnia ściah Alimpijady ŭ Sočy nieśli pieršaja žančyna-kasmanaŭt Valancina Cieraškova, dvuchrazovy alimpijski čempijon chakieist Viačasłaŭ Fiacisaŭ, dyryžor Valeryj Hierhijeŭ, režysior Mikita Michałkoŭ, šaścirazovaja alimpijskaja čempijonka pa kańkabiežnym sporcie Lidzija Skoblikava, aktrysa Čułpan Chamatava, žurnalistka Anastasija Papova i kibiersparstmien Ałan Jenilejeŭ.
Cikava, što Valancina Cieraškova nikoli nie chavała svaje biełaruskaje pachodžańnie, kazaŭšy, što ŭ dziacinstvie razmaŭlała pa-biełarusku.
«Maja mama rodam ź vioski Jeramiejeŭščyna ciapierašniaha Dubrovienskaha rajona, a tata — z-pad Mahilova, — raspaviadała Cieraškova. — Baćki vyjechali ŭ Centralnuju Rasiju ŭ pačatku XX stahodździa, bo doma nie mahli prakarmicca.
Usie maje babuli havaryli pa-biełarusku, śpiavali biełaruskija pieśni. Ź mianie samoj u Jarasłaŭli paśmiejvalisia, kali zamiest «otkroj dvieŕ» havaryła «adčyni dźviery».
Žurnalisty telekanała «Rośsija-24» u sacyjalnych sietkach taksama paviedamlajuć, što raniej ich kalehu žurnalistku Anastasiju Papovu zatrymlivali ŭ Minsku ŭ krasaviku 2011 hoda «za sprobu zdymać u minskim mietro» adrazu paśla vybuchu.
Žurnalistka viadomaja svajoj pracaj u Siryi.
Za film pra situacyju ŭ hetaj krainie jana atrymała ŭznaharodu Uładzimira Pucina.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary