Biełaruś dazvoliła tranzit śvininy ź Litvy. Pra heta paviedamlaje pres-słužba departamienta vieterynarnaha i charčovaha nahladu Minsielhascharča.
U pryvatnaści, dazvoleny tranzit u Rasiju hatovaj pradukcyi sa śvininy abo toj, što ŭtrymlivaje ŭ svaim sastavie śvininu, syraviny žyviolnaha pachodžańnia (sa śvininy), pryznačanaj dla vytvorčaści karmoŭ dla niepraduktyŭnych žyvioł i pušnych źviaroŭ, z pradpryjemstvaŭ Jeŭrasajuza. Pry hetym da vieterynarnaha siertyfikata, jaki supravadžaje kožnuju partyju hatovaj pradukcyi, pavinien być aformleny dadatak z ukazańniem taho, što hetaja pradukcyja prajšła nieabchodnuju apracoŭku.
Aprača taho, dazvalajecca tranzit u Kazachstan cieraź Biełaruś hatovaj śvinahadoŭčaj pradukcyi, vyrablenaj u Litvie, jakaja ruchajecca pry najaŭnaści dazvołu na ŭvoz i pry ŭmovie prachodžańnia nieabchodnaj apracoŭki. Zhadanyja harantyi taksama pavinny być zavieranyja podpisam i piačatkaj aficyjnaha vieterynarnaha ŭrača krainy — člena Jeŭrasajuza, jaki aformiŭ vieterynarny siertyfikat.
Aprača taho, dapuskajecca tranzit karmavych dabavak i kampanientaŭ dla vytvorčaści karmoŭ, što vyrablenyja ŭ trecich krainach i ruchajucca cieraz party Litvy za miežy Mytnaha sajuza.
Pry hetym, va ŭkazańni departamienta adznačyli nieabchodnaść uzmacnić kantrol u punktach propusku cieraź dziaržaŭnuju miažu Biełarusi i arhanizavać pracu pa niedapuščeńni ŭvozu ŭ ručnoj pakłažy, bahažy i paštovych adpraŭleńniach dla asabistaha karystańnia fizičnymi asobami (u tym liku ŭ vakuumnaj upakoŭcy) śvininy, u tym liku ad dzika, i praduktaŭ jaje pierapracoŭki, harbarnaj, rohakapytnaj i kišačnaj syraviny, ščaciny, palaŭničych trafiejaŭ, atrymanych ad usprymalnych vidaŭ žyvioł, karmoŭ i karmavych dabavak dla žyvioł raślinnaha i žyviolnaha pachodžańnia, u tym liku z ptuški i ryby, karmavych dabavak dla katoŭ i sabak, a taksama hatovych karmoŭ dla ich, jakija nie prajšli termičnuju apracoŭku, ź Litvy.
Jak paviedamlałasia raniej, 24 studzienia ŭ Litvie byli zafiksavanyja vypadki afrykanskaj čumy śviniej. Virus byŭ vyjaŭleny ŭ Šalčyninkskim i Varenskim rajonach u arhaniźmie daśledavanych miortvych dzikoŭ.
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami6
Kamientary