Inžynier staradarožskaha lashasa hvałtavaŭ u lesie małaletnich dziaŭčynak
Śledčy kamitet raspačaŭ kryminalnuju spravu ŭ dačynieńni da inžyniera-enierhietyka DŁHU «Staradarožski lashas», jaki hvałtavaŭ u lesie małaletnich dziaŭčynak.
Cikava, što temu piedafilii na dniach padniali i biełaruskija deputaty, jakija aburylisia zanadta vialikaj kolkaściu dadzienych złačynstvaŭ i prapanavali zrabić bolš žorstkim pakarańnie za ich ździajśnieńnie.
Tak, pavodle dadzienych MUS, tolki za 2013 hod było vyjaŭlena 110 złačynstvaŭ, učynienych piedafiłami. Dla Biełarusi heta vielmi šmat. Ad vyčvarencaŭ paciarpieła 113 dziaciej, u tym liku 82 małaletnija. Siońnia ŭ statusie padazravanych pa kryminalnych spravach, źviazanych ź piedafilijaj, prachodziać 60 čałaviek.
Ja raz u pik abmierkavańnia hetaj prablemy deputatami stała viadoma ab novym vyjaŭlenym piedafile. Na hety raz u Staradarožskim rajonie Minskaj vobłaści.
Kryminalnaja sprava zaviedzienaja ŭ dačynieńni da inžyniera-enierhietyka DŁHU «Staradarožski lashas». Jamu inkryminujecca ździajśnieńnie złačynstva pa č.3 art.167 Kryminalnaha kodeksa Biełarusi (hvałtoŭnyja dziejańni seksualnaha charaktaru, učynienyja ŭ dačynieńni da zaviedama małaletniaj).
Pavodle papiarednich dadzienych, padazravany ź lipienia 2012 hoda pa 18 vieraśnia 2013 u lasnym masivie pablizu h. Staryja Darohi nieadnarazova ździajśniaŭ hvałtoŭnyja dziejańni seksualnaha charaktaru ŭ dačynieńni da zaviedama małaletnich dziaŭčynak. Ciapier viadoma jak minimum pra dźviuch paciarpiełych dziaŭčynak 12 i 13 hadoŭ.
Viadziecca rasśledavańnie.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1717
Kamientary