Kiraŭnik BATE Anatol Kapski: Kali na zdymku pra Majdan byli fanaty, chaj adkryjuć svaje tvary
«Kažuć, vy nie pryznajacie fanataŭ BATE ŭ ludziach sa znakamitaj užo fatahrafii ŭ padtrymku Majdana», -
zapytaŭsia karespandent by.tribuna.com Mikita Miełkazioraŭ u kiraŭnika BATE Anatola Kapskaha.
«Nu, kali jany fanaty, chaj adkryjuć svaje tvary. Ja bačyŭ toj zdymak. Paznaŭ nie ŭsich. Ale, nakolki mahčyma, zrazumieŭ, što niekatoryja mnie sustrakalisia. Heta ludzi, ź jakimi ŭ svoj čas u kłuba byli kanflikty z nahody roznych dyskryminacyjnych i rasavych momantaŭ. Heta ludzi, jakija ŭ svoj čas byli asudžanyja pa pazovie FK BATE.
Za rumynskija fajery i mnostva inšych pravakacyj. Praŭda, u vyniku my im daravali. Ale hetyja ludzi demanstratyŭna pierastali pazicyjanavać siabie na stadyjonie jak fanaty.
Ich bolš niama na siektary, jany nie zajmajucca aktyŭnaj padtrymkaj kamandy.
Naohuł, dla mianie niezrazumiełaja i niepryjemnaja situacyja, jakaja skłałasia. Tak, u kožnaha čałavieka moža być ułasny pohlad na palityku, ułasnyja partyjnyja prychilnaści. Ale kali vy takija razumnyja, kali ŭ vas jość mierkavańnie, navošta chavać tvary? Nu, vyjdzicie na centralnuju płošču Barysava… A tak heta ŭsio padobnaje da tannaha pijaru — uchapilisia za słova «BATE» i nosiacca ź im pa ŭsich infarmacyjnych sajtach.
I naohuł, majo mierkavańnie takoje: va Ukrainie pamiž saboj vajujuć aliharchi i miljardery. A ludzi, zaniatyja ŭ hetych pracesach, — harmatnaje miasa. Libieralnyja idei — tolki prykryćcio. I dla mianie nieprymalnaje vykarystańnie dla prasoŭvańnia libieralnych idej adkrytych radykałaŭ i nacyjanalistaŭ, jakim ničoha nie kaštuje źniavažyć abo zabić čałavieka.
Upeŭnieny, mnohija ludzi z toj fatahrafii, jakija nazyvajuć siabie fanatami BATE, sami nie viedajuć, čaho chacieli damahčysia. Siarod ich jość moładź. Jana pakul jašče nie dajšła rozumam da sutnaści padziej, jakija adbyvajucca va Ukrainie. A jość ludzi, jakija sprabujuć kiravać moładździu, jak maryjanietkami.
Ja, naprykład, paznaŭ na hetaj fatahrafii Marozava pa mianušcy «Ficil». Mnie zdajecca, jaho advakaty ź liku pradstaŭnikoŭ žurnalistyki i mastactva pry asabistych znosinach mocna b rasčaravalisia», - adkazaŭ jon.
* * *
Fanaty BATE padtrymali Majdan FOTA
23 fanaty BATE aryštavany za akcyju salidarnaści z Ukrainaj
Dziejačy kultury vykazali padtrymku aryštavanym fanatam BATE FOTA
Ciapier čytajuć
Aryštavali byłoha pamočnika Michaiła Miaśnikoviča8
Aryštavali byłoha pamočnika Michaiła Miaśnikoviča
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary