U rezidencyju Viktara Janukoviča vystrojvajucca čerhi, jak u maŭzalej abo pieršaje fast-fud-kafe va Ukrainie.
Dom, u jakim jon žyŭ, dzivić svajoj pampieznaściu. A rezidencyja pa terytoryi bolšaja za staražytny horad Vyšharad.
Čornuju buchhałteryju siamji, jakuju dastali z vady, a heta kala 20 tysiač dakumientaŭ, buduć staranna vyvučać.
«Tolki adzin dakumient, jaki ŭ mianie ŭ rukach — heta adna kampanija Janukovičaŭ spłaciła druhoj — 56 miljonaŭ hryŭniaŭ (5,6 młn dalaraŭ).
Było prysvojena nie mienš za 10 miljardaŭ hryŭniaŭ (1 młrd dalaraŭ),
i heta 10 pracentaŭ z taho, što my prahledzieli», — raspaviadaje Dźmitryj Hnap. Jon upeŭnieny, što samyja važnyja źviestki ŭsio ž taki ŭdałosia źniščyć.
Razam z papierami — inšaja znachodka — sotni bojeprypasaŭ. «Dva vidy pistaletaŭ, SVD, AKM, AKS. Cełuju rotu možna uzbroić, 70-80 čałaviek», — kaža Hnap.
Samaabaronaŭcy ŭpeŭnienyja, što na dnie jość jašče niamała kul, jość i zbroja, pakul ad jaje znachodziać tolki čachły. Achoŭniki ŭpeŭnienyja, uciakajučy, eks-harant prychapiŭ niamała cikavaha.
Tak, u kalekcyi rarytetnych aŭto (płošča haraža dźvie tysiačy mietraŭ), dzie zachoŭvajecca nie mienš za paŭsotni savieckich lehkavikoŭ i vajennaj techniki, źnik kaštoŭny ekspanat — «Chorch» 1935, takich va Ukrainie ŭsiaho 7 madelaŭ.
Na terytoryi rezidencyi — biesprecedentnyja miery biaśpieki. Tolki šlach Janukoviča ŭ siało Novyja Piatroŭcy adsočvaŭsia amal tryma dziasiatkami kamier. Pad ziamloj taksama znajšli kuču chadoŭ, ale, ich karty niama.
Pieršaje, što Janukovič staranna sačyŭ za zdaroŭjem, śviedčać ułasnaja fierma i łabaratoryja.
Usio, što piŭ i jeŭ eks-prezident Ukrainy ekśpierty daśledavali na radyjacyju, pravodzili bakteryjałahičnyja i bijałahičnyja vyprabavańni. «Vymiarali ŭsio, kolki žaleza, mahniju.
Jon mamałyhu lubiŭ, voś jamu pryvozili 10-15 vidaŭ prob ź ich vybirali tuju, jakuju jon budzie prymać», — raspaviadaje aktyvist.
Vadu dla prezidenta čyścili minimum dvanaccaćciu stupieniami ačystki.
Ułasnaja AZS, prynamsi dźvie kacielni, stajnia, zaapark, łaźni, haściavyja damy i navat plemianny kinałahičny centr zakrytaha cykłu. Tut — 15 sabak anhlijskaha i tybieckaha mastyfaŭ i kaŭkazcy. Ščaniukoŭ tut hadavali vyklučna dla padarunkaŭ, kaža kinołah.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j15
Kamientary