Frontmen ŭkrainskaha hurtu «Akijan Elzy» Śviatasłaŭ Vakarčuk adkazaŭ na abvinavačvańni ŭ nacyjanaliźmie, jakija ŭ jaho adras vysunuŭ, u pryvatnaści, deputat zakanadaŭčaha schodu Sankt - Pieciarburha Vital Miłonaŭ.
Zajavu z hetaj nahody Vakarčuk apublikavaŭ ŭ svaim błohu na rasijskaj movie, zvyčajna ŭ tvitary jon piša pa-ŭkrainsku:
«Z nahody ŭkrainskaha nacyjanalizmu:
Kaho vy ličycie nacyjanalistam?
Kali taho, čyj lubimy piśmieńnik Čechaŭ — to ja nacyjanalist
Kali taho, čyjoj pieršaj lubimaj pieśniaj była «Śvietit Nieznakomaja Źviezda» — tady ja taksama nacyjanalist.
Kali taho, chto 5 hadoŭ sustrakaŭsia ź dziaŭčynaj jaŭrejskaj kryvi — to tak, ja nacyjanalist.
Kali taho, chto śpiavaje ŭ hurcie, u jakim dva sierby i adzin napałovu ruski, napałovu tataryn — to tak — ja, viadoma, nacyjanalist.
Kali taho, chto pravodzić pałovu hoda ŭ inšych krainach śvietu — addajučy na kancertach svaju enierhiju lubimym hledačam — to, niesumnienna, ja nacyjanalist.
Kali taho, chto lubić Sankt-Pieciarburh jak svoj rodny horad, to ja znoŭ ža — nacyjanalist.
Kali taho, chto byŭ śviedkam na viasielli ŭ siabra-irłandca — to znoŭ ža, ja nacyjanalist…
Kali taho, u kaho ŭ Maskvie žyvuć takija ž blizkija siabry, jak i ŭ Kijevie, to ja vidavočny nacyjanalist…
Kali taho z čyich vusnaŭ ruskaja abo anhlijskaja hučyć tak ža časta jak i rodnaj ŭkrainskaja — ja stopracentny nacyjanalist
Nu i jašče … Kali, toj chto lubić svaju krainu — nacyjanalist, to ja …. Nu vy to sami jak dumajecie? Chto ja? I chto vy?».
Śviatasłaŭ Vakarčuk uznačalvaje papularny hurt «Akijan Elzy», jaki ŭ hetym hodzie śviatkuje 20-hodździe, jaho kancerty źbirajuć poŭnyja areny, jak, naprykład, «Minsk-Arenu» 8 śniežnia 2013 h.
Apošnija try miesiacy jon nieadnarazova vykazvaŭ padtrymku Majdanu. 14 śniežnia razam z hurtom daŭ na Majdanie kancert, jaki sabraŭ 200 tys. udzielnikaŭ-hledačoŭ i pryśviaciŭ jaho źbitym u noč na 30 listapada studentam.
21 lutaha Vakarčuk pryjechaŭ u Viarchoŭnuju Radu, pierad hetym zaklikaŭšy Janukoviča nieadkładna spynić siłavyja mietady.
Kancert «Akijana Elzy» ŭ maskoŭskim aeraporcie «Šaramiećcieva»
Ciapier čytajuć
«Muž syšoŭ ź Sipłym i Małym». Imavierna, pad Kramatorskam ukraincy adnym macham ubajdosili troch biełaruskich najomnikaŭ18
Kamientary