U svaim liście da ŭłady intelihiencyja Lvova asudziła naviazvańnie dančanam i krymčanam halickaha ładu žyćcia.
Tekst lista lvoŭskaj intelihiencyi:
My patrabujem ad Viarchoŭnaj Rady, novych členaŭ urada i v.a. prezidenta Ukrainy pravodzić uzvažanuju kulturnuju i moŭnuju palityku.
Ukraina pieražyła trahičnyja dni. Sotni dziaciej našaj Ajčyny zahinuli, tysiačy paranienych. My sa ślazami na vačach chavajem lepšych, tych, kaho zabiŭ režym Janukoviča. Razam my z tryvohaj čujem haračyja frazy pra nieabchodnaść nastupu na ŭschod i poŭdzień Ukrainy. My zaklikajem Viarchoŭnuju Radu da ŭzvažanaści. Złačynstvy režymu majuć rasśledavacca nieadkładna, a ŭsie ich natchnialniki, arhanizatary i vykanaŭcy pavinny panieści surovaje pakarańnie. Ale rasśledavańnie złačynstvaŭ i pryciahnieńnie zabojcaŭ i bandytaŭ da adkaznaści nie varta padmianiać «sudom Linča» abo palavańniem na viadźmarak. Samaje važnaje, kab pakarańnie zabojcaŭ było niaŭchilnym i ŭ krainie byli praviedzieny paśladoŭnyja i hłybinnyja reformy.
My ŭśviedamlajem, što na praciahu dziasiatkaŭ hadoŭ na ŭschodzie i poŭdni Ukrainy pravodziłasia palityka śviadomaj kulturnaj kałanizacyi i deŭkrainizacyi, zakładnikami jakoj stali prostyja ludzi. Ale my suprać ckavańnia ludziej praź miesca žycharstva ci movu znosin, heta skarystajuć tolki vorahi Ukrainy.
My patrabujem ad Viarchoŭnaj Rady, novych členaŭ urada i v.a. prezidenta Ukrainy pravodzić uzvažanuju kulturnuju i moŭnuju palityku.
Tysiačy žycharoŭ uschodu i poŭdnia Ukrainy dezaryjentavany i nie razumiejuć, što adbyvajecca, bo čujuć tolki maskoŭskuju prapahandu.
My majem šaniec pabudavać novuju, sumlennuju i spraviadlivuju Ukrainu i zachavać jaje terytaryjalnuju cełasnaść. Ale my nie pavinny naviazvać dančanam abo krymčanam halicki ład žyćcia.
Na Majdanie plačom da plača z ukraincami stajali ruskija, palaki, biełarusy, armianie, habrei, hruziny, tatary i inšyja.
Usich ich abjadnała ščyraja luboŭ da Ukrainy i nianaviść da tyranii. I za heta jany zapłacili strašnuju canu — canu ułasnaj kryvi.
My pavinny pavažać kulturnyja i moŭnyja patreby žycharoŭ uschodu i poŭdnia, kab jany nie adčuvali siabie čužymi va Ukrainie.
My pavinny prademanstravać pryncypova novuju jakaść Ukrainy, jakaja nie budzie štučna dzialić svaich hramadzian na roznyja «hatunki». I my zaklikajem nie dazvolić palityčnym marhinałam śpiekulavać na kryvi i sprabavać źniščyć terytaryjalnuju cełasnaść našaj dziaržavy.
Juryj Šuchievič — syn hałoŭnakamandujučaha UPA
Ihar Kaliniec — piśmieńnik, u saviecki čas dysident i palitviazień
Mirasłaŭ Marynovič, vice-rektar Ukrainskaha katalickaha univiersiteta ŭ Lvovie, u saviecki čas pravaabaronca, zasnavalnik Ukrainskaj Chielsinskaj hrupy
Ivan Vakarčuk, fizik, palityk i hramadski dziejač, eks-rektar Lvoŭskaha nacyjanalnaha univiersiteta, były ministr adukacyi
Raman Ivaničuk, piśmieńnik, hramadski dziejač, adzin z arhanizataraŭ Tavarystva ŭkrainskaha movy imia T. Šaŭčenki i Narodnaha Ruchu Ukrainy
Taras Vaźniak, kulturołah, palitołah, daradca mera Lvova
Anton Barkoŭski, žurnalist, publicyst
Dźvienisłava Kaliniec, kandydat bijałahičnych navuk, vykładčyk Lvoŭskaha nacyjanalnaha univiersiteta
Natalla Ivaničuk, pierakładčyk ź italjanskaj, niamieckaj i šviedskaj moŭ.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio46
Kamientary