5 sakavika hramadski aktyvist Maksim Viniarski pravioŭ pikietavańnie kala pasolstva Rasii u Biełarusi. Pryblizna ŭ 16.00 jon staŭ nasuprać budynka dyppradstaŭnictva z płakatam «Akupanty, preč z Ukrainy!».
Niekalki raniej aktyvist rastłumačyŭ svaju pazicyju adnosna padziej va Ukrainie: «Ja liču, što pryjšoŭ čas nazyvać rečy svaimi imionami. Toje, što zaraz adbyvajecca va Ukrainie, — faktyčna akupacyja. Tam inšaziemnyja vojski, tam sproby zachapić vajskovyja častki i dyktavać krainie, jak jana pavinna žyć. (…) Niemahčyma stajać ubaku i ničoha z hetym nie rabić. Ja patrabuju spynić ahresiju, my nie možam skazać, što nas heta nie datyčycca».
Praz chvilinu ad pačatku pikietavańnia da Viniarskaha padyšoŭ supracoŭnik milicyi, jaki achoŭvaŭ pasolstva, i pasprabavaŭ zabrać płakat, patrabavaŭ pakazać dakumienty. Jon vyklikaŭ amapaŭski narad, jaki ŭ 16.40 zatrymaŭ aktyvista i pavioz jaho ŭ napramku Centralnaha RUUS.
Kamientary