Sioleta Biełaruś płanuje impartavać 20,4 młrd. kubamietraŭ pryrodnaha hazu, paviedamiŭ 6 sakavika na pres-kanfierencyi ŭ Minsku pieršy namieśnik ministra enierhietyki Biełarusi Leanid Šeniec.
Jon nahadaŭ, što ŭ 2013 hodzie było zakuplena 19,5 młrd. kubamietraŭ. «Hetyja abjomy ŭ nas uzhodnieny z «Hazpromam», ich dastatkova dla taho, kab zabiaśpiečyć ekanomiku i enierhietyku ŭ poŭnym abjomie, — adznačyŭ jon. —
My adychodzim ad impartu elektraenierhii — nam vyhadna vypracoŭvać jaje na bazie ŭłasnych mahutnaściaŭ».
Pradstaŭlajučy žurnalistam novuju kancepcyju enierhabiaśpieki krainy, Šeniec paviedamiŭ: «Ukaraniajučy vysokaefiektyŭnyja hienierujučyja mahutnaści, my źnižajem našy raschody i košt resursaŭ dla realnaha siektara ekanomiki. Takaja pazicyja budzie zachoŭvacca i ŭ budučyni. Siońnia prymajucca kropkavyja rašeńni dla asobnych bujnych spažyŭcoŭ — cemientnych pradpryjemstvaŭ, AAT «Homielškło», dla jakich vieličynia źnižeńnia koštu resursaŭ značna vyšejšaja, čym dla astatnich. Dla ich asabliva važny ŭvod sučasnych, vysokaefiektyŭnych mahutnaściaŭ, aptymizacyja režymu pracy».
Kamientary