Ukrainski deputat Siarhiej Klujeŭ paćviardžaje infarmacyju pra aryšt jaho rachunkaŭ u Aŭstryi.
Pra heta Klujeŭ skazaŭ u intervju aŭstryjskamu telekanału ORF.
«U brata niama rachunkaŭ u Aŭstryi. U mianie tolki adzin rachunak u Aŭstryi, jaki zadekłaravany ŭ NBU i ciapier zabłakavany. Ja spadziajusia, aŭstryjskija pravaachoŭnyja orhany raźbiarucca», — dadaŭ Klujeŭ.
Jon taksama skazaŭ, što nie zajmajecca biznesam: «U nas niama biznesu, u nas tolki akcyi. Ja nie biznesmien, ja akcyjanier».
«Ja — nie aliharch. Usio, čym vałodaje naša firma, my zarabili lehalna. Moj baćka byŭ zvyčajnym šachcioram, mama — nastaŭnicaj, ja ničoha nie atrymaŭ u spadčynu, usio zarabiŭ. U krainie ničoha nie pryvatyzavaŭ», — dadaŭ jon.
Klujeŭ taksama pakazaŭ svoj ukrainski pašpart
«Pašpart tolki ŭkrainski. Kali jedu ŭ Aŭstryju ŭ kamandziroŭku, vykarystoŭvaju dyppašpart», — dadaŭ jon. Jak viadoma, deputatam dazvalajecca vykarystoŭvać dyppašpart, tolki kali jany vyjazdžajuć za miežy Ukrainy z aficyjnaj pajezdkaj, uzhodnienaj z kiraŭnictvam parłamienta.
U astatni čas dypłamatyčny pašpart pavinien zachoŭvacca ŭ Ministerstvie zamiežnych spravaŭ Ukrainy.
Dyppašpart daje prava ŭjezdu na terytoryju Šenhienskaj zony biez atrymańnia vizy.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary