Dziarždepartament ZŠA spyniŭ ekspart tavaraŭ i pasłuh abaronnaha značeńnia ŭ Rasiju.
Aficyjny pradstaŭnik Dziarždepartamenta ZŠA paviedamiŭ ahienctvu Bloomberg, što ministerstva časova spyniła vydaču licenzii na ekspart tavaraŭ i pasłuh abaronnaha značeńnia ŭ Rasiju.
Pastanova pryniataja ŭ suviazi z ahresijaj Maskvy suprać Ukrainy.
Raniej ES, ZŠA i Japonija ŭžo pryniali šerah sankcyj suprać Rasii ŭ suviazi ź jaje pazicyjaj nakont Kryma. Japonskija sankcyi stalisia adnymi z samych miakkich: Tokia zamaroziŭ pieramovy ab źmiakčeńni vizavaha režymu i spyniŭ pieramovy ab pahadnieńniach pra inviestycyi i vykarystańnie kaśmičnaj prastory. ES uvioŭ piersanalnyja sankcyi, zamaroziŭšy aktyvy i ŭvioŭšy zabaronu na vydaču viz u dačynieńni da blizkaha koła prezidenta Pucina.
Prezident ZŠA Barak Abama padpisaŭ ukaz, jaki daje prava ŭvieści sankcyi ŭ dačynieńni da asnoŭnych sektaraŭ ekanomiki Rasii. Taksama jon abviaściŭ ab pavieličeńni śpisu asob, u dačynieńni da jakich ZŠA ŭvodziać abmiežavalnyja zachady — hety śpis zakranaje dva dziasiatki čałaviek.
Ciapier čytajuć
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Kamientary