Sud nie zadavoliŭ skarhu palitviaźnia Mikałaja Aŭtuchoviča
Jon budzie 1,4 hoda znachodzicca pad previentyŭnym nahladam doma ŭ Vaŭkavysku
28 sakavika sud pryznaŭ skarhu palitviaźnia Mikałaja Aŭtuchoviča nieabhruntavanaj i admoviŭ u jaje zadavalnieńni. Rašeńnie pryniata sudździoj Leninskaha rajonnaha suda Horadni Žanaj Kraŭčankaj. Dva papiarednija dni ŭ Haradzienskaj turmie numar 1 na vyjaznym pasiadžeńni adbyvaŭsia razhlad skarhi viaźnia na spahnańni, jakimi pakarała jaho administracyja.
Dvojčy jamu dali vymovu i adzin raz źmiaścili ŭ štrafny izalatar. Mikałaj Aŭtuchovič spadziavaŭsia, što kali skarhu zadavolać, heta moža paŭpłyvać na ŭmovy jaho žyćcia paśla vyzvaleńnia.
8 krasavika zakančvajecca termin źniavoleńnia, i Mikałaj Aŭtuchovič ciaham 1 hoda i 4 miesiacaŭ budzie nadalej znachodzicca pad previentyŭnym nahladam doma ŭ Vaŭkavysku.
U 2009 hodzie Mikałaja Aŭtuchoviča źniavolilina piać hadoŭ i dva miesiacy. Padstavaj stali piać palaŭničych patronaŭ: artykuł 295 častka 3 Kryminalnaha kodeksu — «niezakonnyja dziejańni adnosna ahniastrelnaj zbroi, bojeprypasaŭ i vybuchovych rečyvaŭ».
18 sakavika ŭ Haradzienskaj turmie adbyŭsia vyjazny sud. Razhladałasia pytańnie pra ŭstalavańnie nad Mikałajem Aŭtuchovičam previentyŭnaha nahladu. Sud prachodziŭ biez advakata, jamu paviedamili pra praces za paŭhadziny da jaho pačatku.
Pavodle infarmacyi pravaabaroncaŭ, nad palityčnym viaźniem ustalavany previentyŭny nahlad terminam na 1 hod i 4 miesiacy. Aŭtuchovič raźličvaŭ na bolš miakki prysud - šeść miesiacaŭ nahladu.
Vaŭkavyski pradprymalnik, vieteran afhanskaj vajny byŭ asudžany na 5 hadoŭ i 2 miesiacy źniavoleńnia za zachoŭvańnie piaci patronaŭ da palaŭničaj zbroi.
Jak ličyć sam viazień - za zmahańnie z karupcyjaj va ŭładzie. Doma jaho čakaje siamja, i najpierš maci, ź jakoj u kantakcie znachodzicca siabra viaźnia Alaksandr Siezień:
«Mama jaho čakaje, chvalujecca. Pierakazvała dla jaho pryvitańni. Jana ciapier u vioscy, vychoŭvaje ŭnukaŭ. Mahčyma, i ŭ turmu niejak dachodzić heta infarmacyja. Mikałaj usio ž spadziajecca, što ŭłada ŭ dačynieńni da jaho nie budzie čynić pravakacyj i 8 krasavika jon vyjdzie na volu».
Mikałaj Aŭtuchovič ciapier adbyvaje pakarańnie ŭ Haradzienskaj krytaj turmie №1, pačatkova znachodziŭsia ŭ kałonii №5 u Ivacevičach. U čas źniavoleńnia viazień padviarhajecca niaspynnamu cisku, šmat razoŭ uźnikali pahrozy nie tolki dla jaho zdaroŭja, ale i dla žyćcia.
Ciapier čytajuć
Minsk siońnia viečaram pahruziŭsia ŭ ciemru. Paśla zahadu Łukašenki29
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary