31 sakavika paśla 15 sutak administracyjnaha aryštu na volu vyjšaŭ lidar Abjadnanaj hramadzianskaj partyi Anatol Labiedźka.
Kala Centra izalacyi pravaparušalnikaŭ na vulicy Akreścina ŭ Minsku palityka sustrakali kala 20 čałaviek — siabry, paplečniki pa partyi, žurnalisty.
Labiedźka zajaviŭ žurnalistam, što ŭ samym fakcie jaho aryštu byli jak plusy, tak i minusy. Pavodle jaho słoŭ, aryšt — heta reakcyja ŭład na taktyku dziejańniaŭ AHP padčas vybaraŭ.
«Represii ŭ dačynieńni da aktyvistaŭ partyi pakazali, što my dziejničali pravilna. Naša taktyka dziejańniaŭ padčas vybaraŭ pakazała ŭsiu absurdnaść i šyzafreničnaść našaj ułady», — skazaŭ jon.
Labiedźka taksama ličyć, što prezidenckija vybary 2015 hoda buduć pravodzicca ŭ jašče bolš žorstkich dla apazicyi ŭmovach, tamu demakratyčnym siłam nieabchodna naviazać uładam svoj scenaryj dziejańniaŭ.
Nahadajem, 17 sakavika sudździa suda Savieckaha rajona Minska Maryna Fiodarava pryznała Labiedźku vinavatym pa art. 17.1 (drobnaje chulihanstva) i č. 1 art. 23.34 (parušeńnie paradku praviadzieńnia masavych mierapryjemstvaŭ) Kodeksa ab administracyjnych pravaparušeńniach.
Za pieršaje pravaparušeńnie jon pryhavorany da 5 sutak aryštu, za druhoje — da 10.
Zhodna z administracyjnymi pratakołami, Labiedźka nie ŭdzielničaŭ u niesankcyjanavanym pikiecie ŭ padtrymku palitźniavolenych, a nibyta sprabavaŭ naładzić bojku i niecenzurna vykazvaŭsia ŭ dačynieńni da druhoha sakratara BRSM Alaksieja Marozika, jaki i zajaviŭ na Labiedźku ŭ milicyju.
U svaju čarhu Labiedźka padkreśliŭ, što ŭdzielničaŭ u aficyjna dazvolenym pieradvybarnym pikiecie kandydata ŭ deputaty miascovych savietaŭ ad AHP Antona Žałko. Lidar partyi patłumačyŭ, što za try dni da pikieta Žyłko padaŭ adpaviednuju zajavu ŭ vybarčuju kamisiju ŭ Minharvykankamie.
Labiedźka padkreśliŭ, što členy AHP na hetym pikiecie nahadali pra 10 biełaruskich palitźniavolenych i biasśledna źnikłych palitykach, što nie supiarečyć prahramie kandydata ŭ deputaty.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski24
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2424
Kamientary