Pavieł Duraŭ kančatkova syšoŭ z «Ukantakcie»

Pavieł Duraŭ kančatkova syšoŭ z «Ukantakcie». Miesiac tamu jon pradaŭ dolu ŭ kampanii, a ŭčora zajaviŭ, što pakidaje i post hiendyrektara. 

Zasnavalnik najbujniejšaj sacyjalnaj sietki runetu «Ukantakcie» Pavał Duraŭ zajaviŭ učora, što pakidaje pasadu hiendyrektara kampanii.

«Uśled za maim bratam [Mikałajem], jaki ŭ siaredzinie minułaha hoda pakinuŭ pasadu techničnaha dyrektara, ja zdymaju ź siabie abaviazki hienieralnaha dyrektara «Ukantakcie», — paviedamiŭ Duraŭ na staroncy ŭ sacsietcy. Tam ža jon apublikavaŭ malunak z delfinami, jakija vyskokvajuć z vady z cytataj z knihi Duhłasa Adamsa «Aŭtastopam pa hałaktycy»: «Usiaho dobraha, i dziakuj za rybu». Takoje paviedamleńnie ŭ knizie Adamsa pakinuli delfiny, pakidajučy Ziamlu napiaredadni jaje źniščeńnia inšapłaniecianami. 

«U vyniku padziej, jakija adbylisia paśla źmieny składa akcyjanieraŭ «Ukantakcie» u krasaviku 2013 h., svaboda dziejańniaŭ hienieralnaha dyrektara < …> značna skaraciłasia», usio bolš składana adstojvać «tyja pryncypy, jakija niekali byli zakładzienyja ŭ asnovu našaj sacyjalnaj sietki», patłumačyŭ Duraŭ. Jon źbirajecca «ŭdzielničać u žyćci «Ukantakcie» na pravach zasnavalnika », nie zajmajučy nijakich farmalnych pastoŭ. Što mienavita abmiažoŭvała svabodu jaho dziejańniaŭ, Duraŭ nie ŭdakładniŭ. 

Na praciahu apošniaha hoda jon kanfliktavaŭ ź inviestfondam UCP Illi Ščarboviča, jaki viasnoj 2014 nabyŭ 48% «Ukantakcie» u Lva Levijeva i Viečysłava Miryłašvili. Supraćstajańnie skončyłasia tym, što sam Duraŭ pierastaŭ być saŭładalnikam zasnavanaj im kampanii — dva miesiacy tamu jon pradaŭ 12% «svajmu siabru» hiendyrektaru «Miehafona» Ivanu Taŭrynu, jaki ŭ chutkim časie pierapradaŭ hety pakiet Mail.ru. 

Pradstaŭnik Mail.ru Group (vałodaje 52% «Ukantakcie») Ksienija Čabanienka, jakaja ŭčora admoviłasia ad kamientaroŭ. A pradstaŭnik UCP Nafisa Nasyrava skazała, što Duraŭ padaŭ zajavu ab adstaŭcy jašče niekalki dzion tamu — fond nie paviedamlaŭ pra heta, čakajučy, pakul toj sam abvieścić ab sychodzie. 

Užo na hetym tydni saviet dyrektaraŭ «Ukantakcie» źbiarecca, kab abmierkavać praceduru vybaru novaha hiendyrektara, kaža Nasyrava. 

Pradstaŭnik USM Ališer Usmanaŭ (asnoŭny akcyjanier Mail.ru Group) spadziajecca, što ŭ saŭładalnikaŭ «Ukantakcie» «chopić rozumu» prysłuchacca da mierkavańnie hiendyrektara Mail.ru Group Dźmitryja Hryšyna ŭ tym, kaho pryznačyć hiendyrektaram «Ukantakcie», jaki nie ŭdakładniaje, u čym heta mierkavańnie składajecca. 

U UCP jość svaje kandydaty, ale fond hatovy razhladać i varyjanty Mail.ru Group, skazała Nasyrava, aby novy hiendyrektar «Ukantakcie» «pracavaŭ nie ŭ intaresach adnaho z akcyjanieraŭ, jak heta było raniej, a źjaŭlaŭsia niezaležnym». Važna dla UCP i toje, kab jon byŭ matyvavany na rost biźniesu i jaho akcyjaniernaha koštu. 

Nijakaj niebiaśpieki dla «Ukantakcie» sychod jaje zasnavalnika nie stvaraje, ličyć internet-pradprymalnik i zasnavalnik fondu Imi.vc Ihar Macaniuk. «Ukantakcie» — vydatny pradukt, ale asablivych pośpiechaŭ u biznesie za im zaŭvažana nie było, tłumačyć jon. Zasnavalnik luboha biznesu z časam adychodzić ad kiravańnia im, heta narmalna, a ź biźniesam «Ukantakcie» mieniedžery Mail.ru Group spraviacca, upeŭnieny Macaniuk. Sam Macaniuk zasnavaŭ kampaniju-raspracoŭnika hulniaŭ Astrum Online Entertainment, jakuju pradaŭ toj ža Mail.ru Group.

 Zasnavalnik «Adnakłaśnikaŭ» (ciapier taksama naležyć Mail.ru Group) Albiert Papkoŭ całkam pradaŭ svaju dolu ŭ socsiecy ŭ 2010 h. Aŭdytoryja «Adnakłaśnikaŭ» u lutym 2010 składała 15.250.000 čałaviek, u lutym hetaha hoda — 22.780.000 čałaviek (dadzienyja TNS, aŭdytoryja haradoŭ z nasielnictvam 100 000 +).

 Sychod Durava z «Ukantakcie» daŭno abmiarkoŭvaŭsia, hetaja navina nie stała šokam dla rynku, kanstatuje staršynia praŭleńnia «Finam» Uładzisłaŭ Kačatkoŭ. Tak časta byvaje, kali zasnavalnik-vizijanier nie moža znajści ahulnuju movu z akcyjanierami, jakija chočuć, kab kampanija viała narmalny i prazrysty biznes. Siarod samych viadomych prykładaŭ — sychod z Yahoo! jaje zasnavalnika Džery Janha z-za kanfliktu z akcyjanierami, uzhadvaje Kačatkoŭ. A «Ukantakcie» nikoli nie była stvaralnikam trendaŭ, chutčej jana vynik taho, što rabiła sacyjalnaja sietka Facebook, ličyć jon. Padtrymlivać pracu na tym ža ŭzroŭni zmohuć i novyja mieniedžery, upeŭnieny Kačatkoŭ.

• 0
• 0
• 0
• 0
• 0
• 0
• 0
• 0