Sud Kastryčnickaha rajona Viciebska 7 krasavika asudziŭ Taćcianu Vinakuravu na 4,5 hoda źniavoleńnia za «niezakonnyja dziejańni z vybuchovymi rečyvami» i «asabliva złosnaje chulihanstva», učynienaje la budynka KDB. Praces prachodziŭ u zakrytym režymie.
Vybuch kala budynka UKDB pa Viciebskaj vobłaści na vulicy Savieckaj zdaryŭsia 11 listapada 2012 hoda, i tolki ciapier adkrylisia padrabiaznaści hetaj spravy.
Amal adrazu paśla vybuchu źjaviłasia aficyjnaja infarmacyja, što padazravanaja ŭ arhanizacyi vybuchu — žančyna, jakaja nosić mužčynskaje adzieńnie i, vierahodna, zachaplajecca «mužčynskimi» vidami sportu.
Paviedamlałasia taksama, što pad uvahu pravaachoŭnych orhanaŭ jana traplała i raniej, u pryvatnaści, za chulihanstva — za raźbityja vitryny ŭ kramach.
Imia asudžanaj upieršyniu prahučała 7 krasavika ŭ navinach ANT. Tamsama paviedamlałasia, što čempijonku Taćcianu Vinakuravu zatrymali pierad samym adjezdam na čempijanat Eŭropy pa matakrosie. Jak infarmuje telekanał ANT, kaliści jana była adzinaj u krainie žančynaj-matahonščycaj i dahetul zachavała dobruju spartovuju formu — na sudzie kalehi ŭspaminali, što na adnoj ruce jana padciahvajecca 20 razoŭ.
Da zatrymańnia pa padazreńni ŭ ździajśnieńni vybuchu kala KDB Taćciana Vinakurava pracavała paštarkaj u pryharadzie Viciebska. Dziaržaŭny abvinavaŭca Aleh Antonienka paviedamiŭ, što padčas śledstva i ŭ sudzie jana admaŭlała chulihanski matyŭ svajho ŭčynku, ale tych matyvaŭ i pryčyn, jakija pryvodziła abvinavačanaja, aficyjnyja ŚMI nie paviedamlajuć.
-
Žurnalistka «Sputnika» źviartajecca da Łukašenki: jaje syn pastupiŭ u Vyšejšuju škołu ekanomiki ŭ Maskvie, a doma na jaho zaviali kryminałku
-
Były supracoŭnik «Bietery» zapisaŭ vialikaje videa pra heta anłajn-kazino. Ciapier u jaho prablemy ź milicyjaj
-
U Minsku raźvitalisia z paetam Uładzimiram Karyznam, aŭtaram słoŭ da ciapierašniaha dziaržaŭnaha himna Biełarusi
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary