Pazoŭ tyčycca zabarony na pastaŭki śvininy ź Jeŭropy.
ES padaŭ u Suśvietnuju handlovuju arhanizacyju zysk da Rasii ŭ suviazi z uviedzienym RF zabaronaj na pastaŭki śvininy ź Jeŭropy. Pra heta paviedamiŭ pradstaŭnik Jeŭrakamisii Frederyk Vansan.
«Paśla niekalkich miesiacaŭ praviadzieńnia dvuchbakovych kansultacyj z Rasijaj i šmatlikich biezvynikovych sprobaŭ vyrašyć prablemu pastavak śvininy na dvuchbakovym uzroŭni Jeŭrakamisija pryniała rašeńnie vynieści hetuju prablemu u SHA. Siońnia Jeŭrasajuz aficyjna zapuściŭ rasśledavańnie ŭ ramkach Suśvietnaj handlovaj arhanizacyi suprać rasijskaj zabarony na impart śviniej, śviežaj śvininy i šerahu charčovych praduktaŭ ź Jeŭrasajuza», — zajaviŭ jon.
«Rasijskaja tatalnaja zabarona (na pastaŭki śvininy) — heta, biezumoŭna, dyspraparcyjnaja miera, jakaja idzie nasupierak z normami SHA. U rečaisnaści mieli miesca tolki niekalki niaznačnych vypadkaŭ zaražeńnia virusam čumy dzikoŭ blizu miežaŭ (Litvy i Polščy) ź Biełaruśsiu», — zajaviŭ jeŭrakamisar pa pytańniach handlu Kareł de Hiucht.
Pavodle jaho słovaŭ, hetyja vypadki byli «apieratyŭna łakalizavanyja jeŭrapiejskimi ŭładami».
«Jeŭropa budzie abaraniać svaich śvinavodaŭ i ŭ hetych umovach nie maje inšaha vybaru, akramia jak źviarnucca ŭ SHA», — dadaŭ de Hiucht.
Razam z tym jeŭrakamisar pa achovie zdaroŭja Tonia Borč zajaviŭ, što Jeŭrakamisija nie vyklučaje, što ŭzbudžalnik afrykanskaj čumy śviniej prakraŭsia ŭ ES z Rasii. «Jeŭrakamisija ažyćciaviła šerah kantrolnych mier, kab strymać raspaŭsiud virusa afrykanskaj čumy śviniej, jaki z vysokaj vierahodnaściu pryjšoŭ z samoj Rasii», — zajaviŭ jeŭrakamisar, padkreśliŭšy, što pryniatyja ES miery «ŭ poŭnym abjomie adpaviadajuć patrabavańniam SHA».
Borč pry hetym pakazaŭ, što, «niahledziačy na ŭspyški chvaroby na ŭłasnaj terytoryi, Rasija nie začyniła svoj rynak dla pradukcyi rasijskaj vytvorčaści». «Faktyčna my majem spravu z užyvańniem padvojnych standartaŭ», — skazaŭ jeŭrakamisar.
Heta ŭžo druhi pazoŭ ES u SHA da Rasii. Pieršaje rasśledavańnie było pačata ŭ 2013 hodzie ŭ dačynieńni da ŭtylizacyjnaha zboru na aŭtamabili zamiežnaj zborki.
Zabarona na pryjom u Rasiju śvininy i žyvych śviniej z usich krain Jeŭrasajuza byŭ uviedzieny 30 studzienia 2014. Akramia taho, z 7 krasavika Raśsielhasnahlad uvioŭ abmiežavańni na pastaŭki ŭ Rasiju ŭsich vidaŭ hatovaj miasapradukcyi ź śvininy z Polščy i Litvy.
Pa papiarednich dadzienych Nacyjanalnaj miasnoj asacyjacyi (NMA), u 2013 hodzie vytvorčaść u RF śvininy, špika i subpraduktaŭ skłała 2,83 młn ton, impart śvininy (z ulikam Biełarusi) skłaŭ 640 tys. ton, akramia hetaha Rasija spažyła impartnaha špika 250 tys. ton i impartnych subpraduktaŭ 100 tys. ton. Paśla zabarony pastavak śvininy z ZŠA Jeŭropa stała asnoŭnym imparcioram hetaha vidu miasa ŭ Rasiju.
Jak paviedamiŭ ITAR-TASS kiraŭnik NMA Siarhiej Jušyn, u 2013 hodzie ź ES u Rasiju było ŭvieziena śvininy, špika i inšych subpraduktaŭ na €1,4 młrd.
Ciapier čytajuć
U SIZA KDB apynuŭsia Mikałaj Cyrto, fihurant staroj spravy Biełarusbanka. Druhi raz — za palityku1
Kamientary