Impreza prachodziła ź inicyjatyvy Kanservatyŭna‑chryścijanskaj partyi BNF na ŭźlesku kala vioski Palai.
Tam u 1930‑1950 hady NKUS pravodziła masavyja rasstreły achviaraŭ represijaŭ. Na ŭšanavańnie sabrałasia 25 čałaviek. Siabry KCHP BNF ustalavali memaryjalny kryž i pad bieł‑čyrvona‑biełymi ściahami praśpiavali himn «Mahutny Boža».
Milicyjanty, jakija nazirali za chadoj imprezy na čale z majoram Alaksandram Lilenkam, kvalifikavali jaje jak «niesankcyjanavany mitynh». Usich prysutnych na aŭtobusie, jakim jany pryjechali ŭ Palai, milicyjanty zmusili pajechać u milicyju Viciebskaha rajonu.
Starejšy apazycyjaner Barys Chamajda uziaŭ adkaznaść za arhanizacyju ŭšanavańnia na siabie i prapanavaŭ milicyjantam adpuścić astatnich. Milicyjanty nie pahadzilisia.
Kamientary